قادري سلسلي جون 8 بنيادون

حضرت عبدالله بن عمر رَضِىَ اللهُ عَنْهُ فرمائن ٿا: پياري آقا، نور واري مصطفيٰ
صَلَّى اللّٰهُ عَلَيۡهِ واٰلِهٖ وَسَلَّم جي پاڪ بارگاھ ۾ عرض ڪيو ويو: اَیُّ النَّاسِ اَفْضَلُ؟ يا رسول الله صَلَّى اللّٰهُ عَلَيۡهِ واٰلِهٖ وَسَلَّم! ماڻهن ۾ افضل ڪير آهي؟ پاڻ صَلَّى اللّٰهُ عَلَيۡهِ واٰلِهٖ وَسَلَّم فرمايو: کُلُّ مَخْمُوْمِ الْقَلْبِ، صَدُوقِ اللِّسَانِ هر اهو ماڻهو جيڪو مَخْمُوْمُ الْقَلْب آهي ۽ سچ ڳالهائڻ وارو آهي. صحابه ڪرام رَضِىَ اللهُ عَنْهُم عرض ڪيو: يا رسول الله صَلَّى اللّٰهُ عَلَيۡهِ واٰلِهٖ وَسَلَّم! صَدُوْقُ اللِّسَان (يعني سچي زبان وارو) ڪنهن کي چئبو آهي، اهو ته اسان ڄاڻون ٿا، مَخْمُوْمُ الْقَلْب ڪير آهي؟ پاڻ صَلَّى اللّٰهُ عَلَيۡهِ واٰلِهٖ وَسَلَّم فرمايائون: اهو پرهيزگار شخص جنهن تي ڪو به گناهه نه هجي، ان جي دل ۾ نه سرڪشي هجي، نه ڪينو هجي، نه حسد هجي.^{(^[1])}

معلوم ٿيو* جنهن جي زبان سچي هجي* ڪوڙ نه ڳالهائي ۽ جنهن جي دل ۾ نه سرڪشي هجي* نه ڪينو هجي * نه بغض هجي * نه حسد ۽ جلن هجي. * اهو ٻانهو وڏي فضيلت وارو آهي. اميرِ اهلِ سنت مولانا محمد الياس عطار قادري دامت برڪاتهم العاليه بارگاهِ رسالت ۾ استغاثو پيش ڪن ٿا.

جھوٹ سے بغض و حسد سے ہم بچیں کیجئے رحمت اے نانائے حُسین!^{(^[2])}

[1]...ابنِ ماجہ، کتابُ الزُّہد،باب الورع و التقویٰ، صفحہ:684، حدیث:4216۔

[2]...وسائلِ بخشش، صفحہ:258۔

Important

Mobile Apps

Contact Us