Silsila Qadria Ki 8 Bunyadein

Al Quran Books Madani Channel

Magazine Courses Media

معلوم ہوا قیامت کے دِن نہ مال کام آئے گا، نہ اَوْلاد کام آئے گی، قیامت کے دِن قلبِ سلیم کام آئے گا۔ قلبِ سلیم کیا ہے؟ *وہ دِل جو کفر و شرک سے پاک ہو *جس دِل میں بدعقیدگی نہ ہو *وہ دِل جو باطنی بیماریوں سے پاک ہو *جس میں حسد نہ ہو *بغض نہ ہو *کینہ نہ ہو *دُنیا کی محبت نہ ہو، ایسے پاکیزہ دِل والا روزِ قیامت کامیاب ہو گا۔

لوگوں میں اَفضل کون...؟

حضرت عبد اللہ بن عمر رَضِیَ اللہُ عنہ فرماتے ہیں: پیارے آقا، نور والے مصطفےٰ صلی اللہُ عَلَیْہِ وَ آلِہٖ وَسَلَّم کی پاک بارگاہ میں عرض کیا گیا: اَیُّ النَّاسِ اَفْضَلُ؟ یا رسولَ اللہ صلی اللہُ عَلَیْہِ وَ آلِہٖ وَسَلَّم! لوگوں میں اَفْضَل کون ہے؟ فرمایا: کُلُّ مَخْمُوْمِ الْقَلْبِ، صَدُوقِ اللِّسَانِ ہر وہ بندہ جو مَخْمُوْمُ الْقَلْب ہے اور سچّی زبان والا ہے۔ صحابۂ کرام رَضِیَ اللہُ عنہ نے عرض کیا: یا رسولَ اللہ صلی اللہُ عَلَیْہِ وَ آلِہٖ وَسَلَّم! صَدُوْقُ اللِّسَان (یعنی سچّی زبان والا) کسے کہتے ہیں، یہ تو ہم جانتے ہیں، مَخْمُوْمُ الْقَلْب کون ہے؟ فرمایا: وہ متقی شخص جس پر کوئی گُنَاہ نہ ہو، اس کے دِل میں نہ سرکشی ہو، نہ کینہ ہو، نہ ہی حسد ہو۔^{(^[1])}

معلوم ہوا *جس کی زبان سچّی ہو*جھوٹ نہ بولے اور جس کے دِل میں نہ سرکشی ہو *نہ کینہ ہو*نہ بغض ہو*نہ حَسَد جلن ہو*وہ بندہ بڑی فضیلت والا ہے۔ امیرِاہلسنت مولانا محمد الیاس عطارقادری دَامَتْ بَرَکَاتُہُمُ الْعَالِیَہبارگاہِ رسالت میں استغاثہ پیش کرتے ہیں:

جھوٹ سے بغض و حسد سے ہم بچیں کیجئے رحمت اے نانائے حُسین!^{(^[2])}

[1]...ابنِ ماجہ، کتابُ الزُّہد،باب الورع و التقویٰ، صفحہ:684، حدیث:4216۔

[2]...وسائلِ بخشش، صفحہ:258۔

Important

Mobile Apps

Contact Us