ترجمو: بيشڪ سڀ تعريفون الله پاڪ جون آهن، اسان ان جي حمد ڪندا آهيون، ان کان مدد گهرندا آهيون، جنهن کي الله پاڪ هدايت ڏئي، ان کي ڪو گمراهه نٿو ڪري سگهي ۽ جيڪو ان جي بارگاهه کان ڌڪاريل هجي، ان کي ڪو هدايت نٿو ڏئي سگهي ۽ مان گواهي ڏيان ٿو ته الله پاڪ کان سواءِ ڪو عبادت جي لائق ناهي، هو اڪيلو آهي، ان جو ڪو شريڪ ناهي ۽ بيشڪ محمد الله پاڪ جا ٻانها ۽ رسول آهن.

پياري نبي، رسولِ هاشمي صَلَّى اللّٰهُ عَلَيۡهِ واٰلِهٖ وَسَلَّم جا هي چند مبارڪ جملا جناب ضِمَاد تي اثر ڪري ويا. چيائون: اي محمد صَلَّى اللّٰهُ عَلَيۡهِ واٰلِهٖ وَسَلَّم! هي (پيارا پيارا) ڪلما ٻيهر ٻڌايو! پاڻ صَلَّى اللّٰهُ عَلَيۡهِ واٰلِهٖ وَسَلَّم پنهنجي مبارڪ زبان سان ٻيهر اهي ڪلما ارشاد فرمايا. جناب ضِمَاد چيو: هڪ دفعو ٻيهر ٻڌايو! پاڻ صَلَّى اللّٰهُ عَلَيۡهِ واٰلِهٖ وَسَلَّم ٽيون دفعو به اهي ڪلما ارشاد فرمايا.

هاڻي ته جناب ضِمَاد جو سينو روشن ٿي چڪو هو، چيائون: * مون ڪاهنن جو ڪلام به ٻڌو آهي، * جادوگرن جون ڳالهيون به ٻڌيون آهن، * شاعرن جا شعر به ٻڌا آهن پر اڄ تائين اهڙو ڪلام ڪڏهن به ناهي ٻڌو. انهن مبارڪ ڪلمن جي گهرائي ته سمنڊ جهڙي آهي. هي چئي ڪري جناب ضِمَاد پنهنجو هٿ اڳتي وڌايو ۽ چيو: ہَاتِ یَدَکَ اُبَایِعُکَ عَلَی الْاِسْلَام. اي محبوب صَلَّى اللّٰهُ عَلَيۡهِ واٰلِهٖ وَسَلَّم! هٿ وڌايو! ڪلمو پڙهائي مون کي پنهنجو بڻايو.^[1]

آپ کے دَر کی عجب توقیر ہے                                                                                     جو یہاں کی خاک ہے، اِکْسِیر ہے

کام جو اُن سے ہوا، پُورا ہوا                                                                                                          اُن کی جو تدبیر ہے، تقدیر ہے

جس سے باتیں کی، اِنہی کا ہو گیا                                                                                     واہ! کیا تقریر پُرتاثیر ہے

صَلُّوْا عَلَی الْحَبِیْب!           صَلَّی اللہُ عَلٰی مُحَمَّد