Sakhawat e Mustafa

Al Quran Books Madani Channel

Magazine Courses Media

رَسُوْلُ اللہ صَلَّی اللہُ عَلَیْہِ وَ آلِہٖ وَسَلَّم تیز چلنے والی ہوا سے بھی زیادہ سخاوت فرماتے۔^{(^[1])}

حضرت جابر بن عبدُاﷲ رَضِیَ اللہُ عنہما فرماتے ہیں کہ حُضُور صَلَّی اللہُ عَلَیْہِ وَ آلِہٖ وَسَلَّم نے کبھی کسی سائل کو جواب میں لَا (نہیں) کا لفظ نہیں فرمایا۔^{(^[2])} ایک بارآپ صَلَّی اللہُ عَلَیْہِ وَ آلِہٖ وَسَلَّم کےدربارِ گوہر بار میں70ہزاردِرہم لائے گئے، تو آپ صَلَّی اللہُ عَلَیْہِ وَ آلِہٖ وَسَلَّم نے وہ درہم ایک چٹائی پر رکھے اور پاس کھڑے ہوکرتقسیم فرمانے لگے۔ کسی سائل کو خالی نہیں لوٹایا، حتّی کہ اس سے فارغ ہو گئے۔^{(^[3])}

بعض اوقات ایسا بھی ہو تا کہ نبیِ رحمت،شفیعِ اُمَّت صَلَّی اللہُ عَلَیْہِ وَ آلِہٖ وَ سَلَّم کسی سے کوئی چیز خرید تے ،قیمت اَدا کرنے کے بعدوہ چیز اُسی کو عطافرمادیتے۔ایک بار حضرت جابر بن عبدُاللہ رَضِیَ اللہُ عنہ سے آپ صَلَّی اللہُ عَلَیْہِ وَ آلِہٖ وَ سَلَّم نے ایک اُونٹ خریدا،پھر وہی اُونٹ ان کو بطورِتحفہ عنایت فرمادیا۔^{(^[4])} اسی طرح اَمِیْرُالْمُوْمِنِیْن حضرت عُمر فاروق رَضِیَ اللہُ عنہ سے ایک اونٹ کابچہ خریدا ،پھر وہ اُونٹ کا بچہ انہی کے بیٹے حضرت عبدُاللہ بن عمر رَضِیَ اللہُ عنہما کوعطافرمایا۔^{(^[5])}

[1]... فیضانِ سنت ،بحوالہ صحیح بخاری ج۱ص۹حدیث۶۔

[2]... شفاء شریف، جلد: ۱، ص، 111۔

[3]... اخلاق النبى وآدابہ ،واماماذكرمن جوده وسخائہ،حديث:95،صفحہ: 30،فیہ ذكر سبعين الف درهم ۔

[4]... بخاری ،کتاب البیوع،جلد: 2،صفحہ: 18، حدیث: 2097۔

[5]... بخاری،جلد: 2، صفحہ: 23، حدیث:2115۔

Important

Mobile Apps

Contact Us