صَلُّوْا عَلَی الْحَبِیْب!                                                                                      صَلَّی اللہُ  عَلٰی مُحَمّد

سُبْحٰنَ اللہ ! آپ نے سنا کہ اللہ رَبُّ الْعزت  نے ہمارے آقا  و مولی،محمدِ مُصْطَفٰے صَلَّی اللہُ  عَلَیْہِ وَاٰلِہٖ وَسَلَّمَ کو کیسی شان و شوکت کا مالک بنایا اور آپ صَلَّی اللہُ  عَلَیْہِ وَاٰلِہٖ وَسَلَّمَ کو کس قدر اِخْتِیارات سے نوازا ہے کہ مَحْشَر کے دن جب کہ سُورج سَوا مِیْل پر رہ کر آگ برسا رہا ہوگا،تانبے کی تپتی زمین پر ننگے پاؤں کھڑا کردِیاجائے گا،انسان اپنے بہن بھائیوں،ماں باپ اور بیوی بچّوں سے بھاگتا پھر رہا ہوگا ،اُس دن ہر کسی کو اپنی ہی پڑی ہوگی نیز گنہگار اپنے پسینے میں ڈُبکیاں کھارہے ہوں گے،ایسے کڑے دن میں رحیم و کریم آقا صَلَّی اللہُ  عَلَیْہِ واٰلِہٖ وَسَلَّمَ گُنہگار اُمَّت کو عذابِ دوزخ سے بچانے  کی خاطر بےچین ہوں گے اور اللہ  پاک کی بارگاہِ عالی میں مُسَلْسَل شفاعتِ اُمَّت کی اِجازت طَلَب فرمائیں گے،پھر اللہ  پاک اپنے محبوب رسول صَلَّی اللہُ  عَلَیْہِ وَاٰلِہٖ وَسَلَّمَ کو شفاعت کا اِخْتِیار عطا فرمائے گا اور آپ صَلَّی اللہُ  عَلَیْہِ وَاٰلِہٖ وَسَلَّمَ،اللہ پاک کی عطا سے اپنے اُمَّتیوں کی شفاعت کرکے اُنہیں جہنّم سے چُھٹکارا دِلوا کرداخلِ جنّت فرمائیں گے۔

سرکار کی آمد …مرحبا                                       دِلدارکی آمد …مرحبا                                              اَولیٰ کی آمد …مرحبا   اعلیٰ کی آمد … مرحبا      والا کی آمد …مرحبا       بالا کی آمد …مرحبا    ،یٰسین کی آمد …مرحبا،    طٰہٰ کی آمد  …مرحبا                             مُزمّل کی آمد … مرحبا                                              مُدثِّرکی آمد …مرحبا  مُختار کی آمد …مرحبا مُختار کی آمد  …مرحبا  مُختار کی آمد … مرحبا

مرحبا یا مصطفی                     مرحبا یا مصطفی                     مرحبا یا مصطفی                     مرحبا یا مصطفی

صَلُّوْا عَلَی الْحَبِیْب!                                                                                      صَلَّی اللہُ  عَلٰی مُحَمَّد

 پیارےاسلامی بھائیو!اس میں کوئی شک نہیں کہ  ساری کائنات کا خالق و مالک اللہ  پاک ہے اور سب اُس کے محتاج ہیں ،کوئی چیز بھی اُس کے قبضہ و اِخْتِیار سے باہر نہیں، مگر اس نے اپنے فضل و کرم سے مخلوق میں سے اپنے خاص بندوں مثلاً انبیائے کرام عَلَیْہِمُ  السَّلَام و اَولیائے عظام رَحْمَۃُ اللّٰہ ِ  عَلَیْہِم اَجْمَعِیْن کو بھی مختلف اِخْتِیارات و کمالات سے نوازا ہے۔اِس بات کو یوں سمجھئے کہ جو جس مرتبے کا مالک