اعلیٰ حضرت،امامِ اہلسنت مولانا شاہ امام احمد رضا خان رَحْمَۃُ اللّٰہ ِ عَلَیْہ فتاویٰ رَضَوِیّہ میں اِس حدیثِ پاک کو نَقْل کرنے کے بعد مدینے کے سُلطان،رحمتِ عالمیان صَلَّی اللہُ  عَلَیْہِ واٰلِہٖ وَسَلَّمَ کی عظمت و شان بیان کرتے ہوئے فرماتے ہیں:مسلمانو ! گُناہ کا ایسا  کَفّارہ کسی نے بھی نہ سُنا ہوگا (کہ روزہ توڑنے پر ) سَوا دو مَن خُرمے،بارگاہِ سرکار صَلَّی اللہُ  عَلَیْہِ واٰلِہٖ وَسَلَّمَ سے عطا ہوتےہیں کہ خود کھالو ، کَفّارہ ہوگیا۔ وَاللہ! یہ مُحَمّدٌ رَّسُوْلُ اللہ صَلَّی اللہُ  عَلَیْہِ واٰلِہٖ وَسَلَّمَ کی بارگاہِ رحمت ہے کہ سزا کو اِنْعام سے بدل دے۔ (مزید فرماتے ہیں کہ )اُن کی ایک نگاہِ کرم کبائر (یعنی کبیرہ گناہوں)کو حَسَنات (یعنی نیکیوں میں تبدیل) کردیتی ہے جب تو اَرْحَمُ الرَّاحِمِیْن جَلَّ جَلَالُـہُ نے گُناہگاروں، خطاواروں، تباہ کاروں کو اُن کا دروازہ بتایا کہ: وَ لَوْ اَنَّهُمْ اِذْ ظَّلَمُوْۤا اَنْفُسَهُمْ جَآءُوْكَ (پ۴،النساء:۶۴)گُناہگار تیرے دربار میں حاضر ہوکر مُعافی چاہیں اور تُو شفاعت فرمائے تو خُدا کو توبہ قبول کرنے والا مہربان پائیں۔^([1])

آقا کی آمد …مرحبا! مُصطفیٰ کی آمد …مرحبا!                          مُجتبیٰ کی آمد …مرحبا طہٰ کی آمد … مرحبا! اعلیٰ کی آمد …مرحبا!                                             بالا کی آمد …مرحبا! مختار کی آمد مرحبا!  مختار کی آمد مرحبا!  مختار کی آمد مرحبا!

مرحبا یا مصطفی                     مرحبا یا مصطفی                     مرحبا یا مصطفی                     مرحبا یا مصطفی

صَلُّوْا عَلَی الْحَبِیْب!                                                                                        صَلَّی اللہُ  عَلٰی مُحَمَّد

گواہی کے مُعاملے میں اِخْتِیارِ مُصْطَفٰی

اللہ  پاک نے باہمی لَین دَین کے مُعاملات میں دو (2) مَردوں کو گواہ بنانے کا حکم دیتے ہوئے پارہ 3 سُوْرَۃُ الْبَقَرَہ کی آیت نمبر 282 میں ارشاد فرمایا:

وَ اسْتَشْهِدُوْا شَهِیْدَیْنِ مِنْ رِّجَالِكُمْۚ- (پ ۳، البقرۃ:۲۸۲)

تَرْجَمَۂ کنز  العرفان :اور  اپنے مَردوں میں سے دو گواہ بنالو۔