Share this link via
اعلیٰ حضرت کی پیاری عادتیں
اعلیٰ حضرت امام اہلسنت رَحمۃُ اللہ عَلَیْہ ہر مسلما ن کے لئے انتہائی شفیق تھے،خواہ اپنا ہو یا پرایا، سب کے لئے شفقت و خیرخواہی کا عظیم جذبہ رکھتے تھے۔ آپ رَحمۃُ اللہ عَلَیْہ اپنے غلاموں کا اِس قدر خَیال فرمایا کرتے تھے کہ آپ نے اپنے * اَعِزَّا * اَقربا * اَحْباب اور * خاص خاص مُریدوں کے ناموں کی ایک لمبی لسٹ بنائی ہوئی تھی۔ فجر کی نماز کے بعد اپنے اورادو وظائف کے آخر میں اِن سب کے لئے نام بنام دُعا فرمایاکرتے۔لوگ اِس بات کی تمنّا کرتے تھے کہ اُن کا نام بھی اِس لسٹ میں شامل ہوجائے۔ سیّد ایوب علی صاحب ارشاد فرماتے ہیں: ایک دن میں بہت پریشان تھا، اعلیٰ حضرت رَحمۃُ اللہ عَلَیْہ کی بارگاہ میں دُعا کے لئے عرض کی، آپ نے دُعا فرمائی اورساتھ ہی مجھے اور میرے بھائی سیّد قَناعت علی سے فرمایا :تم دونوں کا نام بھی میں نے دُعا کی لسٹ میں شامل کر لیا ہے جو آہستہ آہستہ بہت لمبی ہوگئی ہے، یہ تمام نام مجھے یاد ہیں،روزانہ نام بنام سب کے لئے دعا کرتا ہوں۔([1])
سُبْحٰنَ اللہ! کیا پیاری ادا ہے...! ہم ذرا اپنے آپ پر غور کر لیں، زیادہ دُور جانے کی ضرورت نہیں ہے، کسی دِن بس اپنے موبائل کا جائِزہ لیجئے! موبائل میں سَیْو کئے ہوئے نمبروں کی لسٹ (Contact List)کھول لیجئے! دیکھئے! اِس میں کتنے لوگوں کے نمبر سیو ہیں، یقیناً جن کا نمبر سیو ہے، کہیں نہ کہیں آپ کا اُس کے ساتھ کچھ تعلق ضرور رہا ہو گا، اب ذرا غور فرمائیے! جب ہم نماز پڑھتے ہیں، اپنے رَبّ کے حُضُور دُعا کے لئے ہاتھ اُٹھاتے ہیں، ہم اپنے لئے بہت کچھ مانگ رہے ہوتے ہیں، مثلاً * مولیٰ! مجھے دُنیا کی بھلائیاں بھی عطا فرما * مولیٰ! مجھے آخرت کی بھلائیاں بھی عطا فرما * مولیٰ! میرے گھر بار کا بھلا کر * اے رَبِّ کریم! میرے بال بچوں کی خیر فرما * میرے اَہْل و عیال کی خیر فرما۔
BOOK TOPIC
- درودِ پاک کی فضیلت
- بیان سننے کی نیتیں
- وظیفے کی صندوقچی یا غیبی خزانہ
- غیبی خزانے پانے کا آسان نسخہ
- شاہ عبد العلیم میرٹھی رَحمۃُ اللہ عَلَیْہ کا تذکرہ
- احسان کا بدلہ دیا کیجئے!
- پیارے نبی کی ایک پیاری سُنّت
- اعلیٰ حضرت رَحمۃُ اللہ عَلَیْہ کا مختصر تعارف
- سچوں کے ساتھ ہو جانے کا قرآنی حکم
- (1):سُنّت کے پابند
- ان کو اللہ پاک سے کچھ کام نہیں
- مُباح کلام نیکیوں کو کھا جاتا ہے
- اعلیٰ حضرت اور احترامِ مسجد
- (2):سیدھے ہاتھ سے لین دَین کیا کرتے تھے
- سیدھے ہاتھ سے لَین دین کی عادت بنائیے!
- سیدھے ہاتھ سے کھایا کیجئے!
- (3):ذکرِ دنیا بھی پسند نہ فرماتے
- ذِکْر تو کسی چیز کا کیا جاتا ہے
- (4):اعلیٰ حضرت دُعائیں فرماتے تھے
- مسلمانوں کے لئے دُعا کیا کیجئے!
- جنازہ میں کثرت سے دُعا مانگتے
- کاش وہ میرا جنازہ پڑھائیں
- بخشش کی وجہ کیا بنی...؟
- کیا ہم نے نمازِ جنازہ سیکھ لی ہے...؟
- مُردے کو قبر میں پہلا تحفہ
- اعلیٰ حضرت رَحمۃُ اللہ عَلَیْہ کی چند مزیداچھی عادات
- 12 دِینی کاموں میں سے ایک دِینی کام: مدنی قافلہ
- باغ کاجھولا
- کلامِ رضا موبائل ایپلی کیشن
- چند ضروری اعلانات
- حُسنِ اخلاق سُنَّتِ مصطفےٰ صَلّی اللہ عَلَیْہ وآلِہ وسَلَّم ہے
