چند مثالیں عرض کرتا ہوں، قرآن و حدیث سے ثابت ہے ؛ * صحابۂ  کرام رَضِیَ اللہُ عنہم  کا عقیدہ تھا کہ پیارے نبی صَلَّی اللہُ عَلَیْہِ وَ آلِہٖ وَ سَلَّم کو عِلْمِ غیب دیا گیا ہے، اس دور میں عقیدۂ عِلْم غیب پر پہرہ دینے والے اعلیٰ حضرت  رَحمۃُ اللہِ عَلَیْہ  ہیں * صحابۂ کرام رَضِیَ اللہُ عنہم  کا عقیدہ تھا  کہ مَحْبُوب ِ خُدا  صَلَّی اللہُ عَلَیْہِ وَ آلِہٖ وَ سَلَّم نُور ہیں، اس دور میں عقیدۂ نُور پر پہرہ دینے والے اعلیٰ حضرت رحمۃ اللہ ہیں * صحابۂ کرا م رَضِیَ اللہُ عنہم  کا عقیدہ تھا کہ رَبِّ رحمٰن نے محبوبِ ذیشان صَلَّی اللہُ عَلَیْہِ وَ آلِہٖ وَ سَلَّم کو مختارِ کُل بنایا ہے، اس دور میں اختیاراتِ مُصطفےٰ کے عقیدے پر پہرہ دینے والے اعلیٰ حضرت رَحمۃُ اللہِ عَلَیْہ  ہیں * صحابۂ کرام رَضِیَ اللہُ عنہم  کا عقیدہ تھا کہ مَحْبُوب  ذیشان صَلَّی اللہُ عَلَیْہِ وَ آلِہٖ وَ سَلَّم روزِ قیامت شفاعت فرمائیں گے، اس دور میں عقیدۂ شفاعت پر پہرہ دینے والے اعلیٰ حضرت رَحمۃُ اللہِ عَلَیْہ  ہیں * صحابۂ کرام رَضِیَ اللہُ عنہم  کا عقیدہ تھا کہ جو بھی دیتا ہے، اللہ دیتا ہے، محبوب صَلَّی اللہُ عَلَیْہِ وَ آلِہٖ وَ سَلَّم تقسیم فرماتے ہیں، اس دور میں اس عقیدے پر پہرہ دینے والی ہستی کو اعلیٰ حضرت کہا جاتا ہے۔

علم کے ہیں  گُلستاں  احمد رضا خاں  قادری                 باغِ دِیں  کے گُل فِشاں  احمد رضا خاں  قادری

حق شناس و حق نما و نائبِ شمس الضحیٰ                              وارثِ پیغمبراں  احمد رضا خاں  قادری

تیرا علم و فضل و شان و شوکت و جاہ و حشم             شش جہت پر ہے عیاں  احمد رضا خاں  قادری

دے مبارکباد ان کو قادری رضوی جمیلؔ                  جن کے مرشد ہیں  میاں  احمد رضا خاں  قادری^([1])

وضاحت: * علمِ دین کا باغ * اس باغ کے پھول بکھیرنے والے * اللہ پاک کی پہچان رکھنےوالے * نبی پاک صَلَّی اللہُ عَلَیْہِ وَ آلِہٖ وَ سَلَّم کے نائب * بلکہ انبیاء کے وارث کو احمد رضا خان قادری کہتے ہیں۔آپ کا علم و فضل، شان و شوکت ہر طرف عام ہے، اے جمیل ؔقادری! اُن