Share this link via
آزادی ایک نعمت ہے
حضرت موسیٰ عَلَیْہِ السَّلَام نے اپنے اس دعوے پر دلائل دئیے، معجزات دکھائے، فِرْعَون کو، اس کی قوم کو سمجھایا مگر فِرْعَون ضِدّی تھا، ضِدِّی ہی رہا، سرکش تھا، سرکش ہی رہا، اس کے سَر پر طاقت کا، سلطنت کا، تاج و تخت کا نشہ سُوار تھا، اس بدبخت نے حضرت موسیٰ عَلَیْہِ السَّلَام کی نافرمانی کی، حضرت موسیٰ عَلَیْہِ السَّلَام کی شان میں گستاخیاں کیں، حضرت موسیٰ عَلَیْہِ السَّلَام کو، بنی اسرائیل کو تکلیفیں پہنچانے کی ناپاک کوشش کی، مَعَاذَ اللہ! حضرت موسیٰ عَلَیْہِ السَّلَام کو شہید کر دینے کے منصوبے بنائے۔ جب فِرْعَون نے تمام حدیں پار کر دیں، اپنے کفر میں بالکل ڈھیٹ ہو گیا اور بنی اسرائیل کو آزاد کرنے پر کسی طرح تیار نہ ہوا تو اللہ پاک نے فِرْعَون کو اس کے لشکر سمیت دریا میں غرق کر دیا اور یہ ہمیشہ ہمیشہ کے لئے جہنّم کا اِیندھن بَن گیا۔([1]) یُوں حضرت موسیٰ عَلَیْہِ السَّلَام کے صدقے میں بنی اسرائیل کو آزادی کی نعمت نصیب ہو گئی۔
پیارے اسلامی بھائیو! کفر کی غُلامی سے، غیر مسلموں، ظالموں کی غُلامی سے آزادی مِل جانا اللہ پاک کی بہت بڑی نعمت ہے۔اسی انعام کا ذِکْر کرتے ہوئے رَبّ رحمٰن نے فرمایا:
وَ اِذْ (پارہ:1،البقرۃ:49)
معرفۃ القُرْآن:اور جب
یعنی اے بنی اسرائیل! یاد کرو...!! کیا؟
نَجَّیْنٰكُمْ (پارہ:1،البقرۃ:49)
معرفۃ القُرْآن:ہم نے نجات دی تمہیں۔
کس سے نجات دی؟
BOOK TOPIC
- درود شریف کی فضیلت
- آیتِ کریمہ کی مختصر وضاحت
- بنی اسرائیل کی غُلامی اور آزادی کا واقعہ
- آیتِ کریمہ کی وضاحت
- پاکستان اور تحریکِ آزادی
- پاکستان اللہ پاک کی بڑی نعمت ہے
- آزادی کے بعد بنی اسرائیل کے حالات
- ہم اور ہمارے حالات
- ہم اور جشنِ آزادی
- بیڑا یہ تباہی کے قریب آن لگا ہے
- جشنِ آزادی کیسے منائیں؟
- مَدَنی قافلے میں سفر کیجئے!
- فیضانِ حدیث موبائل ایپلی کیشن
- درست کیا ہے؟
- اَسْمَاءُ الحسنیٰ کی برکات (وظیفہ)
