حديث حسن آهي يعني سند جي اعتبار سان ان حديث ۾ ڪلام ناهي، گهڻن ئي محدثن ان حديث کي ذڪر ڪيو ۽ وڏن وڏن عالمن ۽ محدثن پاڻ ان حديث پاڪ جو تجربو به ڪيو آهي، حديث شريف ڪهڙي آهي؟ ٻڌو!

  بدري صحابي حضرب عتبه بن غَزوان رضي الله عنه آهن: الله پاڪ جي محبوب نبي، رسول هاشمي صَلَّى اللهُ عَلَيْهِ وَ آلِهِ وَ سَلَّم فرمايو: جڏهن توهان مان ڪنهن جي ڪا شيءِ گم ٿي وڃي ۽ هجي به ويران جاءِ تي جتي ڪو مددگار نه هجي، اهڙي حالت ۾ جيڪڏهن هو مدد چاهي ته هيئن چئي:‌ ‌يَا ‌عِبَادَ ‌اللهِ ‌أَغِيثُونِي، ‌يَا ‌عِبَادَ ‌اللهِ ‌أَغِيثُونِي اي الله جا ٻانهؤ! منهنجي مدد ڪريو! اي الله جا ٻانهؤ! منهنجي مدد ڪريو!^[1]

   هاڻي ڏسو! اها تعليم ڪير ڏئي رهيا آهن؟ اسان جا آقا، اسان جا هادي، اسان جا راهنما صَلَّى اللهُ عَلَيْهِ وَ آلِهِ وَ سَلَّم ! دنيا جي اها هستي جيڪا سڀني کان وڏي توحيد پرست آهي، * اهو آقا صَلَّى اللهُ عَلَيْهِ وَ آلِهِ وَ سَلَّم جيڪو سڀ کان وڌيڪ الله پاڪ جي پهچان رکڻ وارو آهي، * اهو آقا صَلَّى اللهُ عَلَيْهِ وَ آلِهِ وَ سَلَّم  جيڪو سڀ کان وڌيڪ توحيد جو چرچو ڪرڻ وارو آهي،  * اهو هادي ۽ راهنما صَلَّى اللّٰهُ عَلَيۡهِ واٰلِهٖ وَسَلَّمَ  اسان کي تعليم ڏئي رهيو آهي ته جيڪڏهن توهان اهڙي جاءِ تي هجو، جتي بظاهر ڪو مددگار نظر ناهي اچي رهيو، اهڙي جاءِ تي جيڪڏهن مدد گهرجي ته ڪنهن کي پڪاريو! الله جي ٻانهن کي...!  

غور ڪريو! ڇا محبوبِ ذيشان صَلَّى اللهُ عَلَيْهِ وَ آلِهِ وَ سَلَّم (مَعَاذَ الله!) نه ٿا ڄاڻن ته الله پاڪ مددگار آهي ته ان کان مدد گهري وڃي، انهن ئي ته اسان کي الله پاڪ کان گهرڻ سيکاريو آهي، يعني جنهن محبوب صَلَّى اللهُ عَلَيْهِ وَ آلِهِ وَ سَلَّم اسان کي الله پاڪ کان گهرڻ سيکاريو آهي، اهي ئي محبوب صَلَّى اللهُ عَلَيْهِ وَ آلِهِ وَ سَلَّم اسان کي ترغيب ڏئي رهيا آهن ته الله پاڪ جي ٻانهن کان گهرندا ڪريو! ۽ ٻانها به اهي جيڪي ظاهري طور تي نظر نه ٿا اچن، اکين کان غائب آهن، تنهنڪري جن جي تعليم تي الله پاڪ کان گهرندا آهيون، انهن ئي جي ترغيب تي اسان اولياء ڪرام رَحۡمَةُ اللهِ عَلَيۡهم کان به مدد