حَسۡبُنَا الله (يعني اسان کي الله ڪافي آهي)

پياريو، اهڙو شربت مون ڪڏهن نه پيتو هو، بهترين کاڌو به کارايو ۽ سمهڻ لاءِ بهترين بسترو پڻ مهيا ڪيو.

ايئن پياري آقا صَلَّى اللّٰهُ عَلَيۡهِ واٰلِهٖ وَسَلَّم جي ٻڌايل دعا جي برڪت سان منهنجي جان به بچي وئي، بک ۽ اُڃ به مٽجي وئي ۽ سردي کان حفاظت جو سامان به ٿي ويو.[1]

سُبْحٰنَ اللہ! پيارا اسلامي ڀائرو! معلوم ٿيو ته حَسْبُنَا اللہُ بهترين وظيفو آهي، ان جي برڪت سان وڏيون وڏيون مشڪلاتون ٽري وڃن ٿيون.

نبين جو وظيفو

پيارا اسلامي ڀائرو! حَسْبُنَا اللہُ وَ نِعْمَ الْوَکِیْل نبين ۽ ولين جو وظيفو آهي. الله پاڪ جي پيارن نبين جو اهو طريقو هو ته جڏهن انهن کي ڪا مشڪل پيش ايندي هئي، ڪا پريشاني ايندي هئي ته بدشگوني نه وٺندا هئا بلڪ الله پاڪ جي طرف توجھ ڪندا هئا، ان تي ڀروسو رکندا هئا، دل جي پڪي يقين سان حَسْبُنَا اللہُ وَ نِعْمَ الْوَکِیْل پڙهندا هئا. حضرت انس بن مالڪ رَضِىَ اللهُ عَنْهُ کان روايت آهي، رسول ذيشان، مڪي مدني سلطان صَلَّى اللّٰهُ عَلَيۡهِ واٰلِهٖ وَسَلَّم فرمايو: باهه جي ڏينهن (جنهن ڏينهن نمرود حضرت ابراهيم عَلَيۡهِ السَّلَام لاءِ باهه ٻاري هئي) ان ڏينهن جڏهن حضرت ابراهيم عَلَيۡهِ السَّلَام کي باهه جي سامهون آندو ويو ته سندن باهه کي ڏسي چيو: حَسْبُنَا اللہُ وَ نِعْمَ الْوَکِیْل: اسان کي الله ڪافي آهي ۽ اهو ڪيترو سٺو ڪار ساز آهي.[2]

پوءِ انهيءَ وظيفي جي برڪت هئي، حضرت ابراهيم عَلَيۡهِ السَّلَام جي ڪامل يقين ۽ الله پاڪ جي رحمت تي ڀروسي جي برڪت هئي جو اها وڏي باهه جيڪا ميلن تائين ڦهليل هئي، حضرت ابراهيم عَلَيۡهِ السَّلَام لاءِ گلن جو باغ ٿي وئي.

[1] تاریخِ مدینہ دمشق،جلد:53،صفحہ:435۔

[2] حلیۃ الاولیا، جلد:1، صفحہ:51، رقم:34

Important

Mobile Apps

Contact Us