12دینی کاموں میں سے ایک دینی کام: نیک اعمال

پیارے اسلامی بھائیو!نیک نمازی بننے ، فکر ِآخرت کا جذبہ پانے، دنیا کی محبّت  سے جان چھڑانے کے لئے دعوتِ اسلامی کے دینی ماحول سے وابستہ رہئے! 12 دینی کاموں میں عملی طور پر شرکت کیجئے، اِنْ شَآءَ اللہ الْکَرِیْم!دین و دنیا  کی برکتیں نصیب ہوں گی۔ 12 دینی کاموں میں سے ایک دینی کام:نیک اعمال بھی ہے 

فرمانِ آخری نبی، مکی مَدَنی صَلَّی اللہ عَلَیْہِ وَ آلِہٖ وَ سَلَّم :  عقل مند وہ ہے جو اپنا مُحَاسَبَہ اور مرنے کے بعد کے لئے  عَمَل کرے^([1])  *اپنی اِصْلاح کرنےاور خود کو شیطان سے بچانے کا بہترین طریقہ یہی ہے کہ ہم اپنی عادات، اپنے کردار اور اپنے اَعْمَال کا جائزہ لیا کریں۔ 

دورِ حاضِر میں امیر ِاہلسنّت مولانا محمد الیاس عطّار قادری دَامَتْ بَرَکَاتُہُمُ  الْعَالِیَہنے اپنا جائِزہ لینے کاآسان طریقہ دیا ہے: رسالہ نیک اَعْمال *بڑی عمر کے اسلامی بھائیوں کے لئے نیک اَعْمَال رسالے میں 72 سوال جواب لکھے ہیں *ہر سوال کے نیچے 30 خانے ہیں *روزانہ سوال پڑھ کر اپنا جائزہ لینا ہو تا اور خانے بھرنے ہوتے ہیں*دُرُست اسلامی زِندگی گزارنے کا یہ بہترین نسخہ ہے *اس کے ذریعے نہ جانے کتنوں کی اِصْلاح ہو چکی ہے۔

آپ بھی یہ رسالہ خریدئیے! روزانہ اپنا جائِزہ لیا کیجئے! اِنْ شَآءَ اللہ الْکَرِیْم! بہت فائدہ ہوگا *اَخْلاق سنوریں گے *کردار اچھا ہو گا*عادات بہتر ہوں گی *نیکیوں پر استقامت ملے گی *گُنَاہوں سے نفرت ہوگی *دِل روشن ہو گا *محبّتِ اِلٰہی نصیب ہو گی *عشقِ رسول میں اِضَافہ ہو گا *روحانیت ملے گی اور *فِکْرِ آخرت نصیب ہو گی۔

صَلُّوْا عَلَی الْحَبِیْب!                                               صَلَّی اللہ عَلٰی مُحَمَّد