آپ رَحمۃُ اللہ عَلَیْہ  کے انتقال کے بعد آپ کی قبر پر کھڑے ہو کر  آپ کے پیرو مرشِد امیرِ اہلسنت مولانا محمد الیاس عطارقادری دَامَتْ بَرَکَاتُہُمُ  الْعَالِیَہ آپ کے بارے میں یوں فرمایا:یارسولَ اللہ صَلَّی اللہ عَلَیْہِ وَ آلِہٖ وَ سَلَّم! میں اس سے راضی تھا ،آپ بھی راضی ہوجائیں ،یا غوث اعظم رَحمۃُ اللہ عَلَیْہ! میں اس سے راضی ہوں میرے فاروق سے آپ بھی راضی ہوجائيں۔^([1])

صَلُّوْا عَلَی الْحَبِیْب!                                               صَلَّی اللہ عَلٰی مُحَمَّد

ہیپاٹائٹس کا رُوحانی عِلاج

پیارے اسلامی بھائیو! 28 جُولائی کو World Hepatitis Day (ہیپاٹائٹس کا عالمی) منایا جاتا ہے، ہیپاٹائٹس جگر کی بیماری ہے، اللہ پاک ہمیں اس سے محفوظ فرمائے، خطرناک مرض ہوتا ہے، موت کا سبب بھی بن جاتا ہے، خدانخواستہ ایسا مسئلہ ہو تو ڈاکٹر سے رجوع کرنا چاہئے، میں آپ کو ہیپاٹائٹس کا ایک رُوحانی عِلاج بتاتا ہوں، اس پر عَمَل کیجئے! مرض ہوا تو دُور ہو جائے گا، نہ ہوا تو اِنْ شَآءَ اللہ الْکَرِیْم! اس سے حفاظت رہے گی۔

بِسْمِ اللہ الرَّحْمٰنِ الرَّحِیْم کےساتھ سورۂ قریش1بار (اوّل آخر 11 بار دُرُود شریف) پڑھ(یا پڑھوا)کر آبِ  زم زم شریف یا اُس پانی میں جس کے اندر آبِ زم زم شریف کے چند قطرے شامل ہوں دَم کیجئے اور روزانہ صُبح، دوپَہراور شام پی لیجئے۔ اِنْ شَآءَ اللہ الْکَرِیْم! 40 روز کے اندر اندر شِفا یاب ہوجائیں گے۔ (صرف ایک بار دَم کیا ہوا پانی کافی ہے، حسبِ ضرورت مزید پانی ملالیجئے) ^([2])

صَلُّوْا عَلَی الْحَبِیْب!                                               صَلَّی اللہ عَلٰی مُحَمَّد