Jannat Ke Khareedar

Al Quran Books Madani Channel

Magazine Courses Media

ہر صحابئ نبی! جنّتی! جنّتی! چار یارانِ نبی! جنّتی! جنّتی!

(2):پیارے آقا، مکی مدنی مصطفےٰ صَلَّی اللہُ عَلَیْہِ وَ آلِہٖ وَ سَلَّم نے حضرت عثمانِ غنی رَضِیَ اللہُ عنہ کے متعلق ایک اور بھی غیب کی خبر دی، فرمایا: ایک مصیبت جو انہیں پہنچے گی، اس کے بعد یہ جنّتی ہیں۔ یہ مصیبت حضرت عثمانِ غنی رَضِیَ اللہُ عنہ کو آپ کی خِلافت کے آخری زمانے میں پہنچی، بعض شر پسند باغِیوں نے آپ کے مکان مبارک کو گھیرے میں لے لیا، جس کے سبب آپ کا گھر سے نکلنا اور کھانا پانی وغیرہ بند ہو گیا، آخر اسی مظلومیت کی حالت میں آپ کو شہید کر دیا گیا۔ یہ ہے وہ مصیبت جو حضرت عثمانِ غنی رَضِیَ اللہُ عنہ کو پہنچی، پیارے آقا، مکی مدنی مصطفےٰ صَلَّی اللہُ عَلَیْہِ وَ آلِہٖ وَ سَلَّم نے کئی سال پہلے ہی اس کی خبر دے دی۔ معلوم ہوا؛ اللہ پاک کی عطا سے اللہ کے محبوب نبی، رسولِ ہاشمی صَلَّی اللہُ عَلَیْہِ وَ آلِہٖ وَ سَلَّم کل کی، سالوں بعد کی، صدیوں بعد کی بلکہ قیامت تک بلکہ قیامت سے بھی بعد تک کی خبریں جانتے ہیں۔

جنّتِ عَدْن کی حُور

حضرت عُقْبَہ بن عامِر رَضِیَ اللہُ عنہ فرماتے ہیں، رسولِ ذیشان، مکی مدنی سلطان صَلَّی اللہُ عَلَیْہِ وَ آلِہٖ وَسَلَّم نے فرمایا:مِعراج کی رات میں جنّتِ عَدْن میں داخِل ہوا،وہاں بڑی آنکھوں والی ایک خوبصُورت حُور تھی،میں نے اس سے پوچھا: لِمَنْ اَنْتِ؟ تم کس کے لئے ہو؟حُور بولی: آپ صَلَّی اللہ عَلَیْہِ وَ آلِہٖ وَسَلَّم کے ظلماًشہید کئے جانے والے خلیفہ عثمان بن عفّان رَضِیَ اللہُ عنہ کے لئے۔^{(^[1])}

صَلُّوْا عَلَی الْحَبیب! صَلَّی اللّٰہُ عَلٰی مُحَمَّد

[1]...فضائل الصحابہ لاحمد بن حنبل، صفحہ:522-523، حدیث:864ملتقطاً۔

Important

Mobile Apps

Contact Us