نے ان کی صُورت دیکھنا پسند نہ فرمایا تو جو مسلمان ہیں، اسلامی احکام جانتے ہیں، اس کے باوُجُود پیارے آقا، مکی مدنی مصطفےٰ صلی اللہُ عَلَیْہِ وَ آلِہٖ وَسَلَّم کی نافرمانی کرتے اور غیر مسلموں کے پیچھے چل کر ایسی گندی صُورت بناتے ہیں، اُن سے آپ صلی اللہُ عَلَیْہِ وَ آلِہٖ وَسَلَّم کیسی بیزاری فرمائیں گے؟ آدمی جس حال پر مرتا ہے، اسی حال پر اُٹھتا ہے، اگر روزِ قیامت رسولِ اکرم، نورِ مجسم صلی اللہُ عَلَیْہِ وَ آلِہٖ وَسَلَّم نے یہ غیر مسلموں والی صُورت دیکھنا بھی پسند نہ فرمایا تو یقین مانیئے!  کہیں کے نہ رہیں گے، مسلمان کی پناہ ، امان ، نجات جو کچھ ہے جانِ رحمت صلی اللہُ عَلَیْہِ وَ آلِہٖ وَسَلَّم کی نظرِ رحمت میں ہے۔ اللہ پاک کی پناہ اس بری گھڑی سے کہ وہ ہماری صُورت دیکھنا بھی پسند نہ فرمائیں۔ ^([1])

داڑھی منڈانے  کے گُنَاہ میں مبتلا ہونے کے بعض اسباب

(1):دِینی معلومات کی کمی (بعض نادان عِلْمِ دِین کی کمی کے سبب داڑھی کٹوانے یعنی ایک مٹھی سے کم کروانے کے گُنَاہ میں مبتلا ہو جاتے ہیں، یونہی بعض کہتے ہیں: مجھے والِدَین داڑھی رکھنے کی اجازت نہیں دیتے۔ یہ بھی دِینی معلومات کی کمی ہی ہے کیونکہ قرآن و حدیث میں صاف صاف بتا دیا گیا ہے کہ اللہ و رسول کی نافرمانی میں کسی کی یہاں تک کہ والدَین کی بات ماننا بھی جائِز نہیں) (2):فیشن پرستی (3): بری صحبت  (4):فضول بہانے (مثلاً : *میں داڑھی کے تقاضے پُورے نہیں کر پاتا *ابھی میری اتنی عمر نہیں ہوئی *داڑھی رکھ لی تو رِشتہ نہیں ملے گا *آج کل داڑھی والے کو نوکری نہیں دیتے*شادِی کے بعد رکھ لُوں گا وغیرہ)۔

داڑھی منڈانے  کے گُنَاہ  سے بچنے کے لئے

*دُرُست اور معتبر ذرائع سے، مستند اور عاشقانِ رسول عُلَمائے کرام سے عِلْمِ دِین سیکھئے! *سُنتوں سے رِشتہ جوڑئیے اور ہر وہ فیشن جو شرعاً نَاجائِز ہو، اس سے بچتے ہی رہئے کہ قبر و آخرت میں فیشن نہیں بلکہ سُنّتوں پر عَمَل کام آئے گا *دِل میں خوفِ خُدا و عشقِ مصطفےٰ بڑھائیے! *فُضُول حیلے بہانوں سے بچئے کہ زبان کی تیزی اور یہ حیلے آج لوگوں کو چُپ تو کروا سکتے ہیں ،مگر قبر و آخرت کے عذاب سے بچا نہیں