یعنی صحابۂ کرام رَضِیَ اللہُ عنہم  تو خیر ہی خیر ہیں تم ان کو بُرا کہتے ہو تو وہ برائی خود تمہاری طرف ہی لوٹتی ہے اور اس کا وبال تم پر ہی پڑتا ہے۔ ^([1])

ہر صحابیِ نبی! جنّتی جنّتی                                                                                                    سب صحابیات بھی! جنّتی جنّتی

چار یارانِ نبی! جنّتی جنّتی                                                                                             حضرتِ صدیق بھی! جنّتی جنّتی

اور عمرِ فاروق بھی! جنّتی جنّتی                                                                     عثمانِ غنی! جنّتی جنّتی

فاطمہ اور علی! جنّتی جنّتی                                                                                                  ہیں حسن و حسین بھی! جنّتی جنّتی

والدینِ نبی! جنّتی جنّتی                                                                                                          ہر زوجۂ نبی! جنّتی جنّتی

اور ابو سفیان بھی! جنّتی جنّتی                                                                         ہیں معاویہ بھی! جنّتی جنّتی

پیارے اسلامی بھائیو! عذابِ قبر کے اور بھی بہت سارے اَسْباب ہیں، اللہ پاک ہمیں ان سب بُرائیوں سے بچنے کی توفیق نصیب فرمائے۔ اللہ کرے کہ ہم مرتے دَم تک صحابۂ و اَہْلِ بیت اور تمام بزرگانِ دِین (اَوْلیائے کرام، علمائے کرام اور نیک لوگوں) کے بااَدب رہیں۔ کاش! قبر اور جہنّم کے عذابات سے رہائی کا پروانہ مل جائے۔ اٰمِیْن بِجَاہِ خَاتَمِ النَّبِیّٖن صَلَّی اللہُ عَلَیْہِ وَ آلِہٖ وَ سَلَّم

     12 دینی کاموں میں سے ایک دینی کام: مدنی مذکراہ

پیارے اسلامی بھائیو!  صحابۂ و اَہْلِ بیت اور نیک لوگوں کی محبّت دِل میں بڑھانے اور نیک نمازی بننے کے لئے  عاشقانِ رسول کی دینی تحریک دعوتِ اسلامی کے دینی  ماحول سے وابستہ ہو جائیے، 12 دینی کاموں میں خوب بڑھ چڑھ کر حِصَّہ لیجئے! اِنْ شَآءَ اللہُ الْکَرِیْم! دِل روشن ہو گا،