ہیں: ایک مرتبہ حضرت آدم عَلَیْہِ السَّلام  نے اپنے شہزادے حضرت شیث عَلَیْہِ السَّلام  سے فرمایا: بیٹا!تم میرے بعد میرے خلیفہ ہو! جب بھی اللہ پاک کا ذِکْر کرنا تو ساتھ میں حضرت مُحَمَّد صَلَّی اللہُ عَلَیْہِ وَ آلِہٖ وَ سَلَّم کا ذِکْرلازمی کرنا کیونکہ میں نے جب آنکھ کھولی تو عرش کے پائے پر ان کا نامِ پاک لکھا دیکھا، پھر میں نے آسمانوں کی سیر کی تو ہر جگہ نامِ مُحَمَّد لکھا دیکھا،پِھر اللہ پاک نے مجھے جنّت میں ٹھہرایا تو وہاں ہر محل پر، ہر کمرے پر، حُورَوں کی گردنوں پر، طُوبیٰ (نامی جنّت کے سب سے بڑے) درخت پر، اس کے ہر ہر پتّے پر، سِدْرَۃُ الْمُنْتَہیٰ (یعنی آسمانوں کے قریب ایک بیری کے درخت) کے ہر ہر پتّے پر،  یہاں تک کہ فرشتوں کی آنکھوں پر بھی نامِ مُحَمَّد لکھا ہوا تھا، پس (اے پیارے بیٹے!) حضرت مُحَمَّد صَلَّی اللہُ عَلَیْہِ وَ آلِہٖ وَ سَلَّم کا ذِکْر کثرت سے کرتے رہو، بےشک فرشتے ہر وقت ان کا ذِکْر کرتے رہتے ہیں۔^([1])   

خُدا کا ذِکْر کرے، ذِکْرِ مصطفےٰ نہ کرے

ہمارے مُنہ میں ہو، ایسی زباں خُدا نہ کرے

مدّاحِ حبیب مولانا جمیلِ رضوی رَحمۃُ اللہِ عَلَیْہ  کا بڑا پیارا کلام ہے:

اللہُ اکبر! رَبُّ الْعُلا نے                                                                                               ہر شے پہ لکھا نامِ مُحَمَّد

نُوح و خلیل و موسیٰ و عیسیٰ                                                                              سب کا ہے آقا نامِ مُحَمَّد

دولت جو چاہو دونوں جہاں کی                                                           کر لو وظیفہ نامِ مُحَمَّد

اللہ والا دَم میں بنا دے                                                                                             اللہ والا نامِ مُحَمَّد

پائیں مُرادیں دونوں جہاں میں                                                      جس نے پُکارا نامِ مُحَمَّد

دونوں جہاں میں دُنیا و دِیں میں                                                     ہے اِک وسیلہ نامِ مُحَمَّد