Khuda Ko Razi Karne Wale Kaam

کے اندر کس قَدَر اِیثار کا جذبہ تھا کہ ہر ایک اپنے آپ پر دوسرے کو ترجیح دیتا تھا اورآہ! آج حالات بالکل الٹ ہیں ، اکثر لوگ اپنے ہی بھائی کا گلا کاٹنے میں مَصْرُوف ہیں ۔ قطبِ مدینہ حضرت مولانا ضیاء الدین رَحمۃُ اللہِ عَلَیْہ تُرکوں کے دَورِ خدمت سے مدینۂ مُنوَّرہ میں رہائش پذیر ہوگئے تھے۔آپ رَحمۃُ اللہِ عَلَیْہ کا وِصال شریف 3ذُوا لحِجۃِ الحرام1401ھ مدینۂ مُنوَّرہ میں ہوا اور جنّت البقیع میں دفن ہوئے۔ آپ کی خدمت میں کسی نے عرض کی: حُضور! جب آپ شروع میں مدینہ پاک آئے اُس وقت کے مسلمان کیسے تھے؟ فرمایا: ایک مالدار آدمی کثیر مقدار میں مدینہ پاک کے غربا میں کپڑے تقسیم کرنا چاہتا تھا لہٰذا اِس غرض سے ایک کپڑے کے دوکاندار سے اس نے کہا :مجھے فُلاں کپڑے کے اِتنے اِتنے تھان چاہییں ، دوکاندار نے کہا: جو کپڑا آپ نے مانگا میرے پاس موجود ہے مگر مہربانی فرما کر آ پ سامنے والی دوکان سے خرید لیجئے ، کیونکہ الحمد للہ !آج میری آمدنی ہو چکی ہے مگر اُس بے چارے کا دھند ا آ ج کم ہوا ہے۔ فرمایا: کہ پہلے کے مسلمان ایسے اِخلاص واِیثار والے تھے اور آج کے مسلمانوں کو تو آپ دیکھ ہی رہے ہیں کہ ان کی اکثر یت کس طرح مال سمیٹنے اورایک دوسرے کا گلا کاٹنے میں مصروف ہے ۔ ^{(^[1])}

اپنا کھانا کتّے پر اِیثار کر دیا!

حُجَّۃُ الْاِسلام حضرت امام محمد بن محمد غزالی رَحمۃُ اللہِ عَلَیْہفرماتے ہیں : منقول ہے، حضرت عبد اللہ بن جعفر رَحمۃُ اللہِ عَلَیْہ اپنی کسی زمین کو دیکھنے نکلے اور راستے میں کسی باغ میں اُترے، وہاں ایک غلام کو کام کرتے دیکھا، جب اُس کے پاس کھانا آیا تو کہیں سے ایک کُتّا بھی آگیا، غلام نے ایک ایک کرکے 3روٹیاں اُس کے آگے ڈالیں ، وہ کھا گیا۔ حضرت عبد اللہ رَحمۃُ اللہِ

[1]...مدینے کی مچھلی، صفحہ:29، 30

Important

Mobile Apps

Contact Us