اُنهن شَجَري شريف مان دُعائيه شعر کي  مُسلسل پڙھڻ شروع ڪيو۔ ان جي برڪت سان انهن جو اهو ڪم حَيرت اَنگيز طور تي ڪجھ ڏينهن ۾ ٿي ويو يعني اُنهن کي گھربل تعداد ۾ ويزائون ملي ويون۔^[1]

مُشْکِلیں حَل کر شَہِ مُشکل کُشا کے واسِطے           کر بَلائیں رَد شہیدِ کربَلا کے واسِطے ^([2])

صَلُّوْا عَلَی الْحَبِیْبِ!                                                صَلَّی اللہُ عَلٰی مُحَمَّد

 پيارا اسلامي ڀائرو! بَيان کي اِختِتام ڏانهن آڻيندي سُنّت جي فضيلت، ڪجھ سُنّتون ۽ آداب بَيان ڪرڻ جي سَعادَت حاصِل ڪيان ٿو۔ تاجدارِرسالت، شَهنشاھ نُبُوت  صَلَّى اللهُ عَلَيْهِ وَاٰلِهٖ وَسَلَّم  فرمايو: مَنْ اَحَبَّ سُنَّتِی فَقَدْ اَحَبَّنِی وَمَنْ اَحَبَّنِی كَانَ مَعِیَ فِی الْجَنَّةِ جنهن منهنجي سُنّت سان مَحَبَّت ڪئي ان مون سان مَحَبَّت ڪئي ۽ جنهن مون سان مَحَبَّت ڪئي اهو جنّت ۾ مون سان گڏ هوندو۔^[3]

سینہ تیری سُنّت کا مدینہ بنے آقا!                                                                                               جنت میں پڑوسی مجھے تم اپنا بنانا

صَلُّوۡا عَلَى الۡحَبِيۡب                                                                 صَلَّى اللّٰهُ عَلٰى مُحَمَّد

 منڊي جي باري ۾ سنتون ۽ آداب

پيارا اسلامي ڀائرو!مرد کي سوني منڊي (Gold) پائڻ حرام آهي، نبي ڪريم   صَلَّى اللهُ عَلَيْهِ وَاٰلِهٖ وَسَلَّم  سوني منڊي پائڻ کان منع فرمايو، ۞ سون ۽ چانديءَ جا زيور نابالغ (يعني تمام ننڍي) ڇوڪري کي پائڻ حرام آهي ۽ ان کي پارائڻ وارو گنهگار ٿيندو، اهڙيءَ طرح ٻارن (يعني ڇوڪرن) جي هٿن ۽ پيرن تي بغير ضرورت جي مهندي لڳائڻ ناجائز آهي، عورت پاڻ پنهنجن هٿن پيرن تي مهندي لڳائي سگھي ٿي، پر ڇوڪري کي لڳائيندي ته گنهگار ٿيندي، ۞ لوھ جي منڊي جهنمين جو زيور آهي ۞ مرد جي لاءِ اها ئي منڊي جائز آهي جيڪا مردن جي منڊيءَ وانگر هجي، يعني فقط هڪ  ٻُڙي جي هجي، جيڪڏهن ان ۾ هڪ کان وڌيڪ ٻڙا هجن، جيتوڻيڪ اها چانديءَ جي ئي هجي، مرد جي لاءِ ناجائز آهي، ۞ ٻڙي کان سواءِ منڊي پائڻ ناجائز آهي، ڇو ته اها منڊي نه ڇلو آهي، ۞ چانديءَ جي هڪ منڊي هڪ ٻڙي سان پائڻ جائز آهي، جنهن جو وزن ساڍا 4 ماشه (يعني 4 گرام 374 ملي گرام) کان گهٽ هجي، عيدُن ۾ منڊي پائڻ مستحب آهي، پر مردن کي اها ئي جائز منڊي پائڻ گهرجي، ۞ مرد کي منڊيءَ جو ٻڙو هٿ جي تريءَ ڏانهن رکڻ گهرجي ۽ عورت جي منڊيءَ جو ٻڙو هٿ جي پٺيءَ پاسي رکڻ گهرجي، ۞ چانديءَ جو ڇلو خاص عورتن جو لباس آهي مردن لاءِ مڪروھ (تحريمي، ناجائز ۽ گناهه آهي) ۞ عورت سون ۽ چانديءَ جون جيتريون چاهي منڊيون ۽ ڇلا پائي سگهي ٿي، ان ۾ وزن ۽ ٻڙي جي تعداد جي ڪا پابندي نه آهي ۞ لوهه جي منڊي تي چانديءَ جو خول چڙهايو جو لوھ بلڪل نظر نه اچي، اهڙي منڊي پائڻ (مرد ۽ عورت ڪنهن کي) به منع ناهي.