Mola Ali Aur Fikr e Akhirat

Al Quran Books Madani Channel

Magazine Courses Media

کا ذرّہ ذرّہ زبانِ حال سے آپ کی شان شوکت اور رُعب و دبدبہ کی داستان سُنا رہا ہے، اے مسلمانو! اگر رسولُ اللہ صَلَّی اللہُ عَلَیْہِ وَ آلِہٖ وَ سَلَّم کی اُلفت و محبت چاہتے ہو تو اُن کی غُلامی اختیار کر لو کہ جنہیں ہر مومن کا مولیٰ (یعنی آقا) بنایا گیا ہے۔

پیارے آقا کو زیادہ پیارا کون؟

پیارے اسلامی بھائیو! سیدہ عائشہ صِدِّیقہ رَضِیَ اللہُ عنہا کی زبانی مولیٰ علی رَضِیَ اللہُ عنہکی مزید شان سنیئے! آپ فرماتی ہیں: سیّدہ فاطمہ اور ان کے شوہَر (یعنی مولیٰ علی رَضِیَ اللہُ عنہ) پیارے آقا، مکی مَدَنی مصطفےٰ صَلَّی اللہُ عَلَیْہِ وَ آلِہٖ وَ سَلَّم کو سب سے زیادہ محبوب تھے۔^{(^[1])}

سُبْحٰنَ اللہ! کیا شان ہے مولیٰ علی رَضِیَ اللہُ عنہ کی...!! ویسے سب سے افضل صحابی پہلے خلیفہ حضرت ابوبکر صِدِّیق رَضِیَ اللہُ عنہ ہیں مگر اَہْلِ بیتِ اطہار میں پیارے آقا صَلَّی اللہُ عَلَیْہِ وَ آلِہٖ وَ سَلَّم کے سب سے محبوب اور پیارے مولیٰ علی رَضِیَ اللہُ عنہ تھے۔

علی المرتضیٰ شیرِ خُدا ہیں کہ ان سے خوش حبیبِ کبریا ہیں

صَلُّوْا عَلَی الْحَبِیْب! صَلَّی اللہُ عَلٰی مُحَمَّد

مولٰی علی رَضِیَ اللہُ عنہ اور فِکْرِ آخرت

پیارے اسلامی بھائیو! حضرت مولیٰ علی، شیرِ خُدا، علی المرتضیٰرَضِیَ اللہُ عنہ عِلْم و عَمَل میں بہت بلند مقام رکھتے ہیں، عِلْم میں ایسے باکمال ہیں کہ پیارے آقا، مکی مَدَنی مصطفےٰ صَلَّی اللہُ عَلَیْہِ وَ آلِہٖ وَ سَلَّم نے فرمایا: اَنَا مَدِیْنَۃُ الْعِلْمِ وَ عَلِیٌّ بَابُہَا یعنی میں عِلْم کا شہر اور عِلی اس کا دروازہ ہے۔ ^{(^[2])}

[1]... ریاض النضرۃ، الباب الرابع فی مناقب...الخ، الفصل الفصل السادس...الخ، جز:3، صفحہ:100۔

[2]... مستدرک، کتاب معرفۃ الصحابہ، جلد:4، صفحہ:96، حدیث:4693۔

Important

Mobile Apps

Contact Us