اللہ! اللہ! آپ نے اللہ پاک کی طرف سے تحفۂ سلام آنے پر یہ نہیں کہا: عَلَیْہ ِالسَّلام (یعنی اللہ پاک پر سلام ہو) بلکہ کہا:اِنَّ اللہَ ھُوَ السَّلَامُ۔ کیوں...؟ اس لئے کہ آپ اپنی بےمثال فہم و فراست، اپنی عقلمندی سے، پیارے آقا، مکی مدنی مصطفےٰصَلَّی اللہُ عَلَیْہِ وَ آلِہٖ وَ سَلَّم کے فیضانِ صحبت سے یہ بات جانتی تھیں کہ اللہ پاک کے سلام کا جواب اس طرح نہیں دیا جائے گا، جیسے مخلوق کو دیا جاتا ہے، اللہ پاک تو وہ بلندرُتبہ ذات ہے کہ تمام جہانوں پر سلامتی وہی نازِل فرماتا ہے، اس کے پاکیزہ ناموں میں سے ایک نام ہی اَلسَّلَام یعنی سلامتی نازِل فرمانے والاہے۔ لہٰذا اللہ پاک نے سلام کا تحفہ بھجوایا تو جواب میں یہ نہیں کہا کہ اللہ پر بھی سلامتی ہو بلکہ کہا: اِنَّ اللہَ ہُوَ السَّلَامُ یعنی بے شک اللہ پاک خُود اَلسَّلَام یعنی سلامتی نازِل فرمانے والا ہے۔

سُبْحٰنَ اللہ! یہ اس بات کی دلیل ہے کہ حضرت خدیجۃُ الکبریٰ رَضِیَ اللہُ عنہا اسلام کے اس ابتدائی دَور میں بھی مَعْرفت (یعنی اللہ پاک کی پہچان) کے بلند مقام پر فائِزتھیں۔

مادرِ اوّلیں اہلِ ایمان کی                                                                                                             ہے یہ اس کی بزرگی و پاکیزگی

بَرگُزِیدَہ ہے ربِّ مُحَمَّد کی بھی                                                                          عرش سے جس پہ تسلیم نازِل ہوئی

اُس سرائے سلامت پہ لاکھوں سلام

صَلُّوْا عَلَی الْحَبِیْب!                                                    صَلَّی اللہُ عَلٰی مُحَمَّد

(2):اگر کوئی کسی کا سلام لائے تو...؟

پیارے اسلامی بھائیو! اس واقعے میں سیکھنے کی ایک اور بات دیکھئے! حضرت خدیجۃُ الکبریٰ رَضِیَ اللہُ عنہا کے لئے حضرت جبریلِ امین عَلَیْہ ِالسَّلام نے اپنا سلام بھی بھجوایا، اس کے جواب میں حضرت خدیجۃُ الکبریٰرَضِیَ اللہُ عنہانے کہا:وَعَلٰی جِبْرِیْلَ السَّلَامُ وَعَلَیْکَ السَّلَامُ وَرَحْمَۃُ