Tazkia e Nafs

اللہ! اللہ! معلوم ہوا؛ جو اِیْمان اور نیک اَعْمال کے ذریعے نفس کو پاک صاف کرے، اچھے اَخْلاق، اچھی عادات کا عادِی بنائے اس کے لئے جنّت کے باغ ہیں، جن کے نیچے نہریں رواں ہوں گی۔

تزکیہ نفس بعثت کا بنیادی مقصد ہے

پیارے اسلامی بھائیو! ہمارے آقا و مولیٰ، مکی مدنی مصطفےٰ صَلَّی اللہ عَلَیْہِ وَ آلِہٖ وَسَلَّم دُنیا میں تشریف لائے، آپ کی تشریف آوری کے بنیادی مقاصِد میں سے ایک مقصد تزکیۂ نفس بھی ہے، اللہ پاک قرآنِ کریم میں فرماتا ہے:

كَمَاۤ اَرْسَلْنَا فِیْكُمْ رَسُوْلًا مِّنْكُمْ یَتْلُوْا عَلَیْكُمْ اٰیٰتِنَا وَ یُزَكِّیْكُمْ (پارہ :2 ،سورۂ بقرہ:151)

ترجَمہ کنز الایمان: جیسے ہم نے تم میں بھیجا ایک رسول تم میں سے کہ تم پر ہماری آیتیں تلاوت فرماتا ہے اور تمہیں پاک کرتا ۔

مشہور مفسر قرآن، حکیم الاُمّت مفتی احمد یار خان نعیمی رَحمۃُ اللہِ عَلَیْہ فرماتے ہیں: جسمانی، قلبی، روحانی خیالات وغیرہ کی مکمل پاکی کو تزکیہ کہتے ہیں۔^{(^[1])} آیتِ کریمہ کا ایک معنیٰ یہ ہے کہ اے لوگو! ہمارے محبوب صَلَّی اللہُ عَلَیْہِ وَ آلِہٖ وَ سَلَّم تمہارے جسموں کو ظاہِری گندگیوں سے پاک فرماتے ہیں کہ تمہیں پاکی کے طریقے سکھاتے ہیں اور تمہارے دِلوں کو گندے اَخْلاق اورعیوب سے اور خیالات کو شرک و کفر سے صاف فرماتے ہیں۔^{(^[2])}

[1]...تفسیر نعیمی،پارہ:1،سورۂ بقرہ،زیر آیت :129،جلد:1،صفحہ:739 ۔

[2]...تفسیر نعیمی ،پارہ :2،سورۂ بقرہ،زیر آیت:151،جلد:2،صفحہ:65۔

Important

Mobile Apps

Contact Us