اَلْحَمْدُ لِلہِ رَبِّ الْعٰلَمِیْنَ وَالصَّلٰوۃُ وَالسَّلَامُ عَلٰی خَاتَمِ النَّبِیّٖن

اَمَّا بَعْدُ! فَاَعُوْذُ بِاللہِ مِنَ الشَّیْطٰنِ الرَّجِیْمِ بِسْمِ اللہِ الرَّحْمٰنِ الرَّحِیْمِ

اَلصَّلٰوۃُ وَالسَّلَامُ عَلَیْکَ یَارَسُوْلَ اللہ                                                                  وَعَلٰی آلِکَ وَاَصْحٰبِکَ یَاحَبِیْبَ اللہ

اَلصَّلٰوۃُ وَالسَّلَامُ عَلَیْکَ یَانَبِیَّ اللہ                                                                                وَعَلٰی آلِکَ وَاَصْحٰبِکَ یَانُوْرَ اللہ

نَوَیْتُ سُنَّتَ الْاِعْتِکَاف                                                                                                                (ترجمہ: میں نے سُنَّت اعتکاف کی نِیَّت کی)

درُود نہ پڑھنے والا بدبخت ہے

سُلطانِ مکہ، تاجدارِ مدینہ صَلَّی اللہُ عَلَیْہِ وَ آلِہٖ وَ سَلَّم کا فرمانِ عالیشان ہے: *جس نے ماہِ رمضان کو پایا اور اس کے روزے نہ رکھے وہ شخص شَقِی (یعنی بدبخت ) ہے *جس نے اپنے والدین یا کسی ایک کو پایا اور ان کے ساتھ اچھا سلوک نہ کیا وہ بھی شَقِی (یعنی بدبخت) ہے *اور جس کے پاس میرا ذِکْر ہوا اَور اس نے مجھ پر درود نہ پڑھا وہ بھی شَقِی (یعنی بدبخت) ہے۔ ^([1])

کعبہ کے بدرُ الدّجٰی تم پہ کروڑوں درود                                          طیبہ کے شمسُ الضُّحٰی تم پہ کروڑوں درود

تم سے جہاں کا نِظام، تم پہ کروڑوں سلام                   تم پہ کروڑوں ثنا، تم پہ کروڑوں درود^([2])

صَلُّوْا عَلَی الْحَبِیْب!                                               صَلَّی اللّٰہُ عَلٰی مُحَمَّد

پیارے اسلامی بھائیو! الحمد للہ! ہماری خوش قسمتی ہے کہ زِندگی میں ایک بار پِھر عظمتوں والا، رحمتوں والا، برکتوں والا، مغفرت والا مہینا ماہِ رمضانُ المبارک تشریف لا رہا ہے۔

مرحبا! صد مرحبا! پھر آمدِ رمضان ہے                                                          کِھل اُٹھے مُرجھائے دِل، تازہ ہوا اِیمان ہے