رمضان سڌرڻ جو مهينو آهي

Al Quran Books Madani Channel

Magazine Courses Media

خوب ہے رمضاں کی بھی شان اِس میں اُترا ہے قرآن

مجھ کو مدینے میں رَمضَان کاش! میسر ہو رحمٰن

آجا آ بھی جا رَمضَان تجھ پہ فِدا عطّارؔ کی جان

صَلُّوْا عَلَي الْحَبِيب! صَلَّي اللّٰه عَلٰي مُحَمَّد

پيارا اسلامي ڀائرو! هي ڳالھ هميشه ياد رکو! ماھِ رمضان سڌرڻ جو مهينو آهي، پنهنجي ظاهر ۽ باطن کي پاڪ ڪرڻ جو مهينو آهي. الله پاڪ قرآنِ ڪريم ۾ فرمائي ٿو:

یٰۤاَیُّہَا الَّذِیۡنَ اٰمَنُوۡا کُتِبَ عَلَیۡکُمُ الصِّیَامُ کَمَا کُتِبَ عَلَی الَّذِیۡنَ مِنۡ قَبۡلِکُمۡ لَعَلَّکُمۡ تَتَّقُوۡنَ (۱۸۳)

(سيپارو: 2، سورة بقرة: 183)

ترجمو ڪنز العرفان: اي ايمان وارؤ! توهان تي روزا فرض ڪيا ويا جيئن توهان کان اڳين ماڻهن تي فرض ڪيا ويا ته جيئن توهان پرهيزگار بڻجي وڃو.

هن آيتِ ڪريمه ۾ روزي جي جيڪا اعليٰ ترين حڪمت ۽ تمام گهڻو جيڪو فائدو ٻڌايو ويو، اهو هي آهي:

لَعَلَّکُمۡ تَتَّقُوۡنَ (۱۸۳) ترجمو ڪنز العرفان: ته جيئن توهان پرهيزگار بڻجي وڃو.

يعني اي مسلمانو! توهان تي روزا فرض ڪيا وڃن ٿا، توهان ان تي ڪاربند رهو(يعني پابندي سان روزا رکندا رهو) ته جيئن توهان کي تقويٰ ۽ پرهيزگاري ملي. ^{^[1]}

خبر پئي ته ماھِ رمضان اهو مبارڪ مهينو آهي، جنهن ۾ روزا رکيا ويندا آهن ۽ انهن روزن جي برڪت سان اسان کي تقويٰ نصيب ٿيندو آهي.

[1] تفسیر نعیمی، پارہ:2، سورۂ بقرہ، زیرِ آیت:183، جلد:2، صفحہ:212 بتغیر قلیل۔

Important