اَلْحَمْدُ لِلہِ ربّ الْعٰلَمِیْنَ وَالصَّلٰوۃُ وَالسَّلَامُ عَلٰی خَاتَمِ النَّبِیّٖن

اَمَّا بَعْدُ! فَاَعُوْذُ بِاللہِ مِنَ الشَّیْطٰنِ الرَّجِیْمِ  بِسْمِ اللہِ الرَّحْمٰنِ الرَّحِیْمِ

اَلصَّلٰوۃُ وَالسَّلَامُ عَلَیْکَ یَارَسُوْلَ اللہ                                                                  وَعَلٰی آلِکَ وَاَصْحٰبِکَ یَاحَبِیْبَ اللہ

اَلصَّلٰوۃُ وَالسَّلَامُ عَلَیْکَ یَانَبِیَّ اللہ                                                                                وَعَلٰی آلِکَ وَاَصْحٰبِکَ یَانُوْرَ اللہ

نَوَیْتُ سُنَّتَ الْاِعْتِکَاف                                                                                                                (ترجمہ: میں نے سُنَّت اعتکاف کی نِیَّت کی)

درودِ پاک کی فضیلت

ایک عورت کا بیٹا بہت گنہگار تھا۔ وہ عورت اسے نیکی کا حکم دیتی، بےحیائی اور بُرے کاموں سے روکتی مگر وہ باز نہیں آتا تھا۔ آخر تقدیر غالِب آئی اور وہ نوجوان بغیر توبہ کئے ہی موت کے گھاٹ اُتر گیا۔ بیچاری ماں کو بہت صدمہ ہوا، بیٹے کی موت کے ساتھ ساتھ اسے یہ دُکھ بھی تھا کہ بیٹے نے توبہ نہ کی، گناہ کرتے کرتے ہی چل بَسا۔

ایک دِن اس خاتون نے اپنے بیٹے کو خواب میں دیکھا، وہ عذاب میں گرفتار تھا۔ اب عورت کو مزید دُکھ ہوا۔ کچھ دِن گزرے، اس نے دوبارہ اپنے بیٹے کو خواب میں دیکھا، اس بار اس کی حالت اچھی تھی اوروہ بہت خوش تھا۔ خاتُون نے حیرانی سے پوچھا: بیٹا! پہلے تَو تُو عذاب میں گرفتار تھا...!! اس سے نجات کیسے ملی؟ بیٹا بولا: اَمِّی جان! ایک دِن ایک گنہگار شخص قبرستان کے قریب سے گزرا، قبروں کی وِیرانی دیکھ کر اس کا دِل چوٹ کھا گیا، اس نے آخرت کے بارے میں غور و فِکْر کرنا شروع کیا تو اسے اپنے گُنَاہوں پر شرمندگی ہونے لگی، وہ اپنی خطاؤں کو یاد کر کے رونے لگا، اُس نے سچّے دِل سے تَوبہ کی۔ اس کے بعد اس نے قرآنِ کریم کی کچھ تلاوت کی، پِھر 20 مرتبہ درودِ پاک پڑھا اور اس سب کا ثواب قبرستان