آیت یا حدیث شریف وغیرہ سمجھنے میں دُشْواری ہو رہی ہو تو انہیں الہام کے ذریعے سمجھا دی جاتی ہے (2): نبی عَلَیْہِ السَّلَام وحی لانے والے فرشتے کو دیکھتے ہیں جبکہ وَلِیُّ اللہ اِلہام کرنے والے فرشتے کو دیکھتے نہیں صِرْف غیبی آواز سُنتے ہیں یا عِلْم کی بات ان کے دِل میں ڈال دی جاتی ہے (3): وحی شرعاً دلیل ہوتی ہے جبکہ الہام اُس درجے کی دلیل نہیں ہے۔^([1]) مثلاً صحابۂ کرام رَضِیَ اللہ عنہم کو قرآنِ پاک میں جنّتی فرمایا گیا، لہٰذا صحابۂ کرام رَضِیَ اللہ عنہم یقینی جنتی ہیں جبکہ ہم نے ابھی روایت سُنی، اِمامِ اعظم رَحمۃُ اللہ عَلَیْہ کی تقلید کرنے والوں کیلئے بذریعہ الہام بخشش کی بشارت دی گئی، اس سے یہ نہیں کہا جا سکتا کہ جو بھی حنفی ہے وہ یقینی جنّتی ہے، ہاں! اس الہام کی بدولت اللہ پاک کی رحمت سے پختہ اُمِّید رکھی جا سکتی ہے کہ اِنْ شَآءَ اللہ الْکَرِیْم! جو اِمامِ اعظم رَحمۃُ اللہ عَلَیْہ کا دامنِ کرم تھامے، رَبِّ کائنات اپنے کرم سے اسے بخش دے گا۔

یاد رکھئے! ہمارے آقا و مولیٰ، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم سب سے آخری نبی ہیں، آپ صَلَّی اللہ عَلَیْہِ وَ آلِہٖ وَ سَلَّم کے بعد اب قیامت تک نہ کوئی نیا نبی آئے گا، نہ کسی کی طرف نبوت والی وحی کی جائے گی۔

شہِ انبیا ہے، خُدا کا ہے پیارا                                                                            وہ نبیوں میں سُن لو! نبی آخری ہے

مُحَمَّد ہے احمد، ہے سلطانِ بطحا                                                                        وہ نبیوں میں سُن لو! نبی آخری ہے

****

مُحَمَّدِ مصطفےٰ!                                  سب سے آخری نبی!                                                                                                              احمدِ مجتبیٰ!       سب سے آخری نبی!

آمنہ کا لاڈلا!                                               سب سے آخری نبی!                                                                                                              شاہِ ہر دوسرا!                           سب سے آخری نبی!

صَلُّوْا عَلَی الْحَبِیْب!                                                                  صَلَّی اللہ عَلٰی مُحَمَّد