سب کی ہے تم تک رَسائی                                                                                                          بارگہ  تک   تم   رَسَا   ہو^([1])

وضاحت: حضرت موسیٰ عَلَیْهِ السَّلَام  په کوهِ طُور باندې د رَبِّ کريم کلام واوريدو، حضرت عيسیٰ عَلَیْهِ السَّلَام  په څلورم آسمان باندې تشريف فرما دے، دا ډيرې اوچتې مرتبې دي خو د خوږ آقا صَلَّى اللهُ عَلَيْهِ وَاٰلِهٖ وَسَلَّم شان ته اوګورئ! هغوئي رَبِّ کريم لامکان ته اوبللو او مقامِ دَنیٰ (يعنې ډير قربت يـې ورعطا کړو) او اوچت شانونه يـې ورعطا کړل. د دې نه معلومه شوه چې د ټول مخلوق د پاره يو حد ټاکلے شوے دے خو زمونږه خوږ آقا صَلَّى اللهُ عَلَيْهِ وَاٰلِهٖ وَسَلَّم د حد د دائرې نه هم بره هغه ځائے ته تشريف يوړلو، په کوم ځائے باندې چې ”چرته، کوم ځائے“ هيڅ هم نه وو. د ټولو رسائي يعنې رَسَد تر محبوبِ خُدا صَلَّى اللهُ عَلَيْهِ وَاٰلِهٖ وَسَلَّم پورې دے، يو محبوبِ ذيشان صَلَّى اللهُ عَلَيْهِ وَاٰلِهٖ وَسَلَّم دے، چا ته چې د رَبِّ کريم په بارګاه کښې د حاضرئ سعادت نصيب شو.

اَوج پانا مرے حُضُور کا ہے                                                                                    عرش جانا مرے حُضُور کا ہے

عرش سے بھی پرے وہ ہو آئے                                                           آنا جانا مرے حُضُور کا ہے

صَلُّوا عَلَی الْحَبِیب!                                              صَلَّی اللهُ علٰی مُحَمَّد

څه عِلم يـې ورعطا کړو؟ څومره يـې ورعطا کړو؟

خوږو او محترمو اسلامي وروڼو! د معراج سفر د عِلم سفر وو. الله پاک خپل محبوب صَلَّى اللهُ عَلَيْهِ وَاٰلِهٖ وَسَلَّم خاص قرب ته اوبللو او علوم يـې ورعطا کړل، څنګه څنګه رازونه اووئيلے شول، د دې عِلم د چا سره هم نشته. مونږ ته بس دومره وئيلے شوي دي چې

فَاَوۡحٰۤی  اِلٰی عَبۡدِہٖ  مَاۤ  اَوۡحٰی  (ؕ۱۰)  (پارہ27،سورۃالنجم:10)

[مفهوم] ترجمهٴ کنزُ الْعِرفان: بيا هغه د خپل بنده طرف ته وحي اوفرمائيله چې څه وحي ئې اوفرمائيله (۱۰)