Meraj e Mustafa Mein Seekhnay Ki Baatein

Al Quran Books Madani Channel

Magazine Courses Media

( 2 ) : سفرِ معراج سفرِ عِلْمِ دِین

پیارے اسلامی بھائیو ! معراج شریف کی حکمتوں میں ایک حکمت عُلَمائے کرام نے یہ بھی بیان فرمائی کہ سَفَرِ معراج اَصْل میں دُعائے مصطفےٰ قبول ہونے کا نتیجہ ہے۔ ہمارے آقا ومولیٰ ، مکی مَدَنی مصطفےٰ صَلَّی اللہ عَلَیْہِ وَ آلِہٖ وَ سَلَّم کو حکم ہوا :

وَ قُلْ رَّبِّ زِدْنِیْ عِلْمًا(۱۱۴)

( پارہ : 16 ، طہ : 114 )

تَرجَمہ کَنْزُ الْعِرْفان : اور عرض کرو : اے میرے رب ! میرے علم میں اضافہ فرما۔

آپ صَلَّی اللہ عَلَیْہِ وَ آلِہٖ وَ سَلَّم یہ دُعا کیا کرتے تھے : اے میرے رَبّ ! میرے عِلْم میں اِضَافہ فرما۔ چنانچہ اللہ پاک نے آپ کی یہ دُعا قبول فرمائی اور خاص اسرار ( یعنی رازوں ) کا عِلْم عطا فرمانے کے لئے معراج پر بُلا لیا۔ ^{( ^[1]
)}

شش جہت سے تم وَراء ہو

پیارے اسلامی بھائیو ! اب یہاں ایک بہت ایمان افروز نکتہ ( Faith Inspiring Point ) ہے ، سفرِ معراج کی روشنی میں عِلْمِ مصطفےٰ صَلَّی اللہ عَلَیْہِ وَ آلِہٖ وَ سَلَّم کی وُسْعت کو ذرا سمجھئے ! حضرت کعبُ الاَحْبار رَضِیَ اللہ عنہ فرماتے ہیں : سِدْرَۃُ المنتہیٰ وہ مقام ہے کہ تمام فرشتوں ، نبیوں اور رسولوں کا عِلْم اسی تک ہے ، اس سے آگے کیا ہے ؟ اس کا عِلْم اللہ پاک کے سِوا کسی کو نہیں ہے۔^{( ^[2]
)}

اللہ اکبر ! معلوم ہوا؛ سِدْرَۃ المنتہیٰ وہ مقام ہے جہاں سب فرشتوں ، نبیوں ، رسولوں کے عِلْم ( Knowledge ) کی انتہا ہو جاتی ہے مگر میرے اور آپ کے آقا ، معراج کے دولہا صَلَّی اللہ عَلَیْہِ وَ آلِہٖ وَ سَلَّم کی شان دیکھئے ! رَبِّ کریم نے آپ کو سِدْرَۃُ المنتہیٰ سے بھی آگے بُلایا

[1]...کتاب المعراج للقُشَیْری ، باب ما قال الشیوخ المتصوفہ...الخ ، صفحہ : 113 ملخصاً۔

[2]... تفسیر درمنثور ، پارہ : 27 ، سورۂ نجم ، زیرِ آیت : 14 ، جلد : 7 ، صفحہ : 650۔

Important

Mobile Apps

Contact Us