گھپ اندھیری قبر میں جب جائے گا                                  بے عمل!بے انتِہا گھبرائے گا

قبر میں تیرا کفن پھٹ جائے گا                                                                 یاد رکھ نازک بدن پھٹ جائے گا

کر لے توبہ رب کی رحمت ہے بڑی                                     قبر میں ورنہ سزا ہوگی کڑی^([1])  

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

(4):قارُون کو چوتھی نصیحت

پیارے اسلامی بھائیو! بنی اسرائیل کے نیک مسلمانوں نے قارُون کو چوتھی نصیحت کرتے ہوئے کہا:

وَ اَحْسِنْ كَمَاۤ اَحْسَنَ اللّٰهُ اِلَیْكَ (پارہ:20، اَلْقَصَص:77)

تَرجَمہ کَنْزُ الْعِرْفان:اور احسان کر جیسا الله نے تجھ پر احسان کیا

یعنی جیسے اللہ پاک نے تجھ پر احسان فرمایا، ایسے ہی تُو بھی صدقہ و خیرات کر کے، نیک کاموں پر مال خرچ کر کے، غریبوں، مسکینوں کی دِل جُوئی کر کے، بُھوکوں کی بُھوک مٹا کر اُن پر احسان کیا کر...!! ^([2])  

ہم مال کے مالِک نہیں، وکیل ہیں

پیارے اسلامی بھائیو! یہ بھی بڑی اَہَم نصیحت ہے۔ اللہ پاک نے ہمیں مال عطا فرمایا، اب ہمیں چاہئے کہ ہم راہِ خُدا میں خرچ کر کے اس مال کا حق ادا کیا کریں۔ یہ بات ہمیشہ یاد رکھئے کہ ہم مال کے مالِک نہیں بلکہ وکیل ہیں۔ سرکار غوث اعظم رَحمۃُ اللہِ عَلَیْہفرماتے ہیں: