Sindhi

Al Quran Books Madani Channel

Magazine Courses Media

سُبْحٰنَ اللہ! پيارا پيارا اسلامي ڀائرو! ڇا ته شان آهي منهنجي رحمٰن ۽ رحيم ربّ جو...!! اسان ان جا ٻانها آهيون، هو اسان کي خوشيون عطا ڪري يا آزمائش ۾ رکي، هي ان جي رضا آهي، هرحال ۾ ان جو احسان ئي آهي پر قربان وڃو! ان جي رحمت ڪيڏي وسيع آهي، اسان گناھ ڪندا آهيون، پاڻ کي جهنّم جو حقدار بڻائيندا آهيون ۽ اسان جو قادر ۽ قيّوم ربّ اسان تي آزمائش موڪلي ڪري اسان جا گناھ مٽائيندو ۽ اسان جي لاءِ جنّت جو رستو آسان بڻائي ڇڏيندو آهي.

ايمان تي ثابت قدم رهو!

بهرحال! زندگي ۾ آزمائشون اينديون آهن، غربت به ايندي آهي، تنگدستي به ايندي آهي، مشڪلاتون به اينديون آهن، پريشانيون به اينديون آهن، ڪڏهن ڪڏهن ظلم ۽ ستم جو نشانو بڻايو ويندو آهي، انهن حالات ۾ اسان کي گهرجي ته صبر کان ڪم وٺون ۽ سڀ کان اهم ذميداري جيڪا اهڙي وقت اسان تي ايندي آهي، اها هي آهي ته اسان پنهنجي ايمان جي ڀرپور حفاظت ڪيون. اسان کاهيءَ وارن جو قرآني واقعو ٻڌو، ان ۾ ٿورو غور ڪيو! بادشاهه، جنهن خدائي دعويٰ ڪئي هئي، اهو سخت ظالم هو، هن مؤمنن تي ظلم ڪيو، کين جيئرو ئي باهه ۾ وجهي ڇڏيو، قربان وڃو! انهن مضبوط ايمان وارن ماڻهن باھ ۾ سڙڻ، جان ڏيڻ ته منظور ڪري ورتو پر پنهنجي ايمان کان ٿورو به پوئتي نه هٽيا، ايتري قدر جو هڪ ماءُ، پنهنجي ننڍڙي ٻار کي هنج ۾ کڻي، ٻار سان گڏ باھ ۾ اڇلائي وئي. ان موت کي قبول ڪيو پر پنهنجي ايمان جو سودو نه ڪيو. هي وڏي ڪمال جي ڳالهه آهي، وڏي همت ۽ حوصلي جي ڳالهه آهي، ان مان اسان کي اهو سبق ملي ٿو ته هڪ مومن ٻانهو هميشه پنهنجي ايمان تي ثابت قدم رهندو آهي، تڪليفن ۽ مصيبتن ۾ گهٻرائي ڪري پريشاني جو شڪار ناهي ٿيندو، ان جي دل ۾ شڪ ناهي ايندو

Important

Mobile Apps

Contact Us