Sindhi

حديث پاڪ ۾ آهي: اِنَّمَا الْاَعْمَالُ بِالنِّیّات عملن جو دارومدار نيتن تي آهي. ^{^[1]}

پيارا اسلامي ڀائرو! سٺي نيت افضل ترين عمل آهي، بيان ٻڌڻ کان پهريان سٺيون سٺيون نيتون ڪري ٿا وٺون، * مثال طور نيت ڪيو نگاهون هيٺ ڪري بيان ٻڌندس، * علمِ دين جي تعظيم جي نيت سان جيتري دير ٿي سگهيو گوڏن ڀر يعني التَّحِيَّات ۾ ويهڻ جيان ويهندس، * ضرورتًا سرڪي ٻين جي لاءِ جاءِ ڪشادي ڪندس، * ڌڪو وغيره لڳو ته صبر ڪندس، * گھُورڻ، جھڻڪڻ، تڪرار ڪرڻ کان بچندس، بيان کان پوءِ پاڻ اڳتي وڌي مسلمانن کي سلام ڪندس، * هٿ ملائيندس ۽ انفرادي ڪوشش ڪري نيڪيءَ جي دعوت پيش ڪندس. اِنْ شَآءَ اللّٰهُ الْڪَرِیْم!

صَلُّوۡا عَلَى الۡحَبِيۡب صَلَّى اللّٰهُ عَلٰى مُحَمَّد

سورت بُروج جو مُختصر تعارف

پيارا پيارا اسلامي ڀائرو! سورت بروج قرآن پاڪ جي هڪ مختصر سورت آهي، جيڪا 30 هين سيپاري ۾ آهي. ان ۾ 1 رڪوع ۽ 22 آيتون آهن، تارن جي منزلن کي بروج چيو ويندو آهي، هن بابرڪت سورت جي شروع ۾ بُرجن واري آسمان جو ذڪر آهي، ان مناسبت سان هن کي سورت بُروج چيو ويندو آهي، هن سورت مبارڪ جي شروع ۾ هڪ سبق آموز، عبرتناڪ ۽ ايمان تازو ڪندڙ واقعو بيان ٿيو آهي، الله تعاليٰ جو فرمان آهي:

[1] بخاري، ڪتَاب بَدءِ الْوَحي، صفحو:65، حديث:1۔

Important

Mobile Apps

Contact Us