د کندې والؤ واقعه

Al Quran Books Madani Channel

Magazine Courses Media

نه د بچ کيدو او جنّت ته د تللو ذريعه جوړه شي خو ياد ساتئ! د دوزخ نه د بچ کيدو او د جنّت د حقدار جوړيدو د پاره صرف [په دې دنيا کښې] مسلمانيدل کافي نه دي بلکې د دنيا نه ايمان سلامت وړل هم ضروري دي. ځکه مونږ له پکار دي چې مونږه د خپل ايمان فِکر اوکړو، الله پاک مونږ ته د ايمان دولت عطا کړے دے، چې د دې قدر هم اوکړو، د دې شکر هم ادا کړو او ورسره ورسره د کفر نه نفرت هم اوکړو. په حديثِ پاک کښې دي: په چا کښې چې دا درې خبرې وي، هغه به د ايمان حلاوت (يعنې خوږ والے) بيامومي (په هغه دريو کښې يې يوه خبره دا ارشاد کړې ده چې:) هغه د ايمان نه پس د کفر په لور تلل داسې ناخوښه ګڼي، لکه څنګه چې وور ته غورځيدل ناخوښه ګڼې. ^{(^[1])}

معلومه شوه چې ايمان والا پاتې کيدل، د ايمان د سلامتيا سره قبر ته کوزيدل او د دې په ذريعه د جنّت حقدار جوړيدو د پاره ضروري دي چې مونږه د کُفر نه هر وخت نفرت کوو.

درې بهادران وروڼه

علّامه اِبنِ جوزي رَحْمَةُ اللهِ عَلَيْه يوه ډيره ايمان تازه کوونکې واقعه ذِکر کړې ده، واقعه څه داسې ده چې درې ځلمي بهادران وروڼه وو، هغوئي دريو واړو به د اسلامي لښکر سره په شريکه جهاد کولو، يو ځل داسې اوشول چې رُوميانو په مسلمانانو باندې سخته حمـله اوکړه، ډير مسلمانان پکښې شهيدان شول او ډير زيات قيديان شول، دا درې واړه وروڼه هم قيد کړے شول. رُومي بادشاه په جنګ کښې د دې دريو واړو بهادري ليدلې وه، بادشاه دې دريو واړو ته يو پيشکش اوکړو، اوئې وئيل چې: که تاسو اسلام پريږدئ نو زه به ستاسو سره د خپلو لوڼو وَدونه اوکړم او راتلونکي بادشاهي به هم تاسو ته حواله کړم.

[1]... بخاری، کتاب بدء الایمان، باب من کرہ ان یعود فی الکفر...الخ، صفحہ:75 ، حدیث:21 ملتقطًا۔

Important

Mobile Apps

Contact Us