قبرونو نه د راپاڅيدلو وحشتناک منظر

وراستو هډوکو کښې څنګه ساه اچولے کيدے شي؟ الله پاک اوفرمائيل: دا خو به صرف يوه رَټَنه وي، بَس! شپيلئ به پو کړے شي، هُم هاغه وخت به په زرګاؤ کاله زاړه مړي هم د قبرونو نه راپاڅي. ^{(^[1])}

د قبر نه د راپاڅيدلو وحشتناک منظر

زمونږه خوږ آقا و مولا، مکي مدني مصطفٰے صَلَّى اللهُ عَلَيْهِ وَاٰلِهٖ وَسَلَّم د قيامت د قائِميدو پوره نظاره بيان کړې ده، د حديثونو مبارکو مطابق حضرت اسرافيل عَلَیْهِ السَّلَام په خُله کښې شپيلئ نيولې ده او ولاړ دے، چې کله الله پاک هغوئي ته حکم اوفرمائي، هغوئي به شپيلئ پو کړي، دا به ډير وحشتناک آواز وي، په دې آواز به يوه زلزله راشي، ستوري به راورژيږي، سپوږمئ او نمر به په خپل مينځ کښې اوجنګيږي او ذرے ذرے به شي، لکه څنګه چې کشتئ د سمندر په مينځ کښې د طوفان د چپو په سبب خوزي، زمکه به دغه شان خوزي، هغه وخت به قيامت قائم شي، ټول به مړه کړے شي. د دې نه پس به فرښتو له هم مرګ راشي، ټولې فرښتے به د مرګ خوند څکي، هٰغه وخت به د يو حَيّ و قَيُّوم رَبِّ کريم نه علاوه څوک هم ژوندے نه وي، تر څو پورې چې الله پاک اوغواړي، په ټولو به مرګ قائم وي، بيا به الله پاک فرمائي: د عرش پورته کوونکې فرښتے راژوندئ شئ. پس هغوئي به راژوندئ شي. بيا به حکم اوشي جبرائيل او ميکائيل عَلَیْهِما السَّلَام راژوندي شئ. هغوئي به هم ژوندي شي. بيا به الله پاک حضرت اسرافيل عَلَیْهِ السَّلَام ته حکم اوکړي: اُنْفُخْ نَفخَۃَ الْبَعْثِ د مړ کيدو نه پس د راپاڅولو د پاره شپيلئ پو کړه...! حضرت اسرافيل عَلَیْهِ السَّلَام به په دريم ځل شپيلئ پو کړي، بس د دې شپيلئ پوکلو سره

[1]... صراط الجنان، پارہ:30، النازعات، زیر آیت:10-14، جلد:10، صفحہ:526 ماخوذًا.

Important

Mobile Apps

Contact Us