د الله پاک په رضا باندې د رضا اوسيدو طريقے

پيرانِ پير، حضور غوثِ اعظم شيخ عبد القادِر جيلاني رَحْمَةُ اللهِ عَلَيْه د الله پاک په رضا باندې د راضي اوسيدلو دوه آسانې طريقے ښودلې دي، هغوئي فرمائي: (1): څوک چې د الله پاک په رضا باندې راضي اوسيدل غواړي، هغه له پکار دي چې مرګ هميشه ياد ساتي ځکه چې مرګ د دنيا مصيبتونه آسانوي (2): په کومه خبره باندې چې په زړه کښې ګِيله راشي، بنده له پکار دي چې په هغه خبره د ګِيلې په ځائے، د الله پاک نه سوال اوکړي، مثلاً په چا غريبي راغله يا څوک بيمار شو، بيا د ده په زړه کښې وسوسے راځي نو ده له پکار دي چې د غريبئ يا بيمارئ ګيله نه کوي بلکه د الله پاک په بارګاه کښې سوال کوي: يا الله پاکه! زما غريبي ختمه کړې، يا الله پاکه! ما له د دې مرض نه شِفا راکړې. داسې دې خپل زړه د ګيلو قيصو په ځائے، په دعا کښې مشغول ساتي. د دې په برکت به ئې اِنْ شَآءَ اللّٰہُ الْکَرِیم! زړه هُم سپک شي او که الله پاک اوغوښتل نو د رَبِّ کريم په رضا باندې به د رضا کيدو توفيق هم ورنصيب شي. ^([1])

توبه کوونکي او نۀ توبه کوونکي

خوږو او محترمو اسلامي وروڼو! کله چې به قيامت قائم شي، قبرونه به برسيره شي، مړي به بيا راژوندي کړے شي، هغه وخت به د ګنهګارانو حال څه وي؟ دا هم مونږ واوريدل او نيکان خلق به په کوم ښکلي شان د قبرونو نه راپاڅي، دا هم مونږ واوريدل. اوس فيصله په مونږ ده چې مونږ په کوم حالت کښې د قبر نه راپاڅيدل غواړو، دا مونږ له سوچ کول دي، هم مونږ له فيصله کول دي. يقين اوکړئ! که ژوند مو په ګناهونو