هرې مياشتې په اَیَّامِ بِیْض (يعنې د اسلامي مياشتې په 13، 14 او 15 تاريخ باندې روژې نيسئ)، اِنْ شَآءَ اللّٰہُ الْکَرِیم! د قبر نه به داسې پاڅيدل درنصيب شي چې د خُلې نه به مو د مشکو خوشبوئي ځي، د محشر والا به روژه دار د دې خوشبوئي نه پيژني او که الله پاک اوغوښتل نو د حشر په ميدان کښې چې کله خلق د نفسي نفسي په حالت کښې وي، د تودې تانبے زمکه... وور را وروونکے نمر... په دغه وحشتناکه ګرمئ کښې به خلق په خولو کښې لامبي، بعضې خو به په خپلو خولو کښې غوپې وهي، سخته لوږه او تنده به وي، په داسې وحشتناکه ورځ کښې، په داسې وحشتناکو حالاتو کښې به خلقو سره د حساب کتاب فِکر وي او روژه دار به ښه په خوند په دسترخوان باندې دعوت خوري. الله پاک دې مونږ له د دې نيکو اعمالو توفيق راکړي. اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم .     

د قبرونو نه په آلوتلو جنّت ته داخليدونکي

په يو حديثِ پاک کښې دي: کله چې د قيامت ورځ شي نو الله پاک به زما د اُمت يوې ډلې ته وزرې عطا کړي، د کومو په ذريعه چې به هغوئي د خپلو قبرونو نه په آلوتلو جنّت ته لاړ شي او هلته چې څنګه غواړي مزے به کوي. * بيا به فرښتے د هغوئي نه پوښتنه کوي: آيا ستاسو سره حساب شوے دے؟ هغوئي به وائي: زمونږ سره حساب نه دے شوے. * فرښتے به بيا پوښتنه اوکړي: آيا تاسو په پل صراط راتير شوي ئيئ؟ هغوئي به جواب ورکړي: مونږ پل صراط نه دے ليدلے. * فرښتے به بيا پوښتنه اوکړي: آيا تاسو دوزخ اوليدلو؟ هغوئي به وائي: مونږه هيڅ څيز نه دے ليدلے. بيا به فرښتے دوئي ته وائي: تاسو د چا اُمتيان ئيئ؟ هغه خوش قسمته جننتيان به وائي: مونږ د امام الانبيا، حضرت مُحَمَّدِ مصطفٰے صَلَّى اللهُ عَلَيْهِ وَاٰلِهٖ وَسَلَّم اُمتيان يو. فرښتے به وائي: مونږ تاسو له د الله پاک قسم