هم کول پکار دي، د دې حفاظت کول زمونږه ذمه واري ده، ځکه مونږ له پکار دي چې د الله پاک د پټ تدبير نه هر وخت ويريږو او هر وخت د ايمان د سلامتيا فِکر کوو.

د مؤمن بنده شان

الله پاک دې مونږ ته د ايمان د سلامتيا دولت رانصيب کړي، کاش چې د رُوح وتلو په وخت کښې کَلِمه لوستل رانصيب شي، کاش چې قبر ته ايمان سلامت وړلو کښې کامياب شو، که داسې اوشو نو اِنْ شَآءَ اللّٰہُ الْکَرِیم! مزے به مو شي. آو جي! يو مسلمان ته چې به په آخرت کښې کوم انعامونه ميلاويږي، د هغې به څه وائې...!! د مسلمانانو د قبر نه د راپاڅيدو نظاره به هم ډيره شانداره او د رشک قابله وي. حضرت ثابِت بناني رَحْمَةُ اللهِ عَلَيْه فرمائي: کله چې مؤمن بنده د قبر نه راپاڅي نو کراماً کاتبين يعنې اعمال ليکونکې دوه فرښتے به هغه ته هر کلے وائي او د قبر نه د راپاڅيدو سره سمدستي به ده ته وائي: اے مؤمِن بنده! غم مه کوه بلکه خوشحاله شه ستا د پاره هغه جنت دے د کوم چې ستا سره وعده شوې وه، بس الله پاک به هغه مؤمن بنده ته د ويرې نه امن ورعطا کړي، د هغه سترګې به يخې کړي او د قيامت د ورځې هغه مصيبت کوم چې به خلق راګير کړي، مؤمِن بنده به د هغه مصيبت نه محفوظ اوسي. ^([1])

د خُلې نه به ئې وور راووځي...!!

خوږو او محترمو اسلامي وروڼو! څوک به په کوم حالت کښې د قبر نه راپاڅي، واورئ! په حديثِ پاک کښې دي، د غيبو نه خبر نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم اوفرمائيل: د قيامت په ورځ به يو قوم د خپلو قبرونو نه داسې راپاڅولے شي چې د