د مريض تپوس اوكړئ

دلته خوږ آقا، مكي مدني مصطفٰى صَلَّى اللهُ عَلَيْهِ وَاٰلِهٖ وَسَلَّم څه قيد ذِكر كړے نه دے * ځوئ سلام اوكړي نو د هغې هم جواب وركول دي * پلار سلام اوكړي نو د هغې هم جواب وركول دي * ورور سلام اوكړي * ګاونډي سلام اوكړي * خپلوان سلام اوكړي * دوست يا دُښمن سلام اوكړي * څوك چې مسلمان دے، كلمه لوستونكے دے، عاشقِ رسول دے، هغه چې كله هم مونږ ته سلام اوكړي خدائے دې نكړى كه زمونږه د هغه سره ناراضګي هم وي، خدائے دې نكړى كه مونږه هغه خپل دُښمن هم ګڼو، بيا هم د يو مسلمان په بل مسلمان باندې حق دے چې هغه د خپل مسلمان ورور د سلام جواب وركړي. مخامخ كس چې كله سلام اوكړي او دا ئې جواب وركړي نو كه په خپل مينځ كښې ناراضګي هم وي نو اِنْ شَآءَ اللّٰہُ الْکَرِیْم! د دې سلام او د سلام جواب وركولو په بركت به په دوستئ كښې بدله شي.

د سلام جواب به څنګه وركوو؟

بهرحال! د خپل مسلمان ورو د سلام جواب وركول څه دي؟ اسلامي حق دے. او دا جواب وركول څنګه دي؟ الله پاك په قرآنِ كريم كښې فرمائي:

وَ اِذَا حُیِّیۡتُمۡ بِتَحِیَّۃٍ فَحَیُّوۡا بِاَحۡسَنَ مِنۡہَاۤ اَوۡ رُدُّوۡہَا ؕ اِنَّ اللّٰہَ کَانَ عَلٰی کُلِّ شَیۡءٍ حَسِیۡبًا ۔ (پارہ:5، النساء:86) [مفهوم] ترجمۂ کَنْز العِرْفان: او چې كله تا ته په يو لفظ سره سلام اوكړے شي نو ته د هغې نه په بهتر لفظ سره جواب وركړه يا هم هغه الفاظ اووايه بيشكه الله په هر څيز باندې حساب اخستونكے دے.

Important

Mobile Apps

Contact Us