د خپل مسلمانانو وروڼو خبر اخستلو عادت جوړ كړو، چرته چې د دې نه د الله پاك رِضا په خاطر د بيمار تپوس كولو عظيم ثواب زيرے ميلاويږي هلته د يو مسلمان په زړه كښې د هغه محبت هم زياتيږي.

د مسلمان په مسلمان باندې حقونه

      مشهور صحابـئ رسول حضرت ابو هُريره رَضِیَ اللهُ عَنْهُ نه روايت دے چې د الله پاك آخري نبـي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم فرمائي: حَقُّ الْمُسْلِمِ عَلَى الْمُسْلِمِ خَمْسٌ د يو مسلمان په بل مسلمان باندې 5 حقونه دي.^[1]

       دا د بُخاري او مسلم حديثِ پاك دے، په دې كښې د 5 حقونو ذِكر دے، په بعضو نورو روايتونو كښې 7 حقونه بيان شوي دي، بهرحال! دا 5 حقونه كوم كوم دي، ارشاد فرمائي: 

(1) وړومبے حق: د سلام جواب وركول

      رَدُّ السَّلام د سلام جواب وركول^[2] (يعني كله چې يو مسلمان مونږ ته سلام اوكړي نو د مسلمان حق دے چې هغه ته د سلام جواب وركړي).