د مريض تپوس اوكړئ

هُريره رَضِیَ اللهُ عَنْهُ نه روايت دے، چې نبـئ آخرُ الزمان، سرورِ ذِيشان صَلَّى اللهُ عَلَيْهِ وَاٰلِهٖ وَسَلَّم فرمائي: مَنْ عَادَ مَرِیْضًا اَوْ زَارَ اَخًا لَہُ فِی اللّٰہ نَادَاہُ مُنَادٍ بِاَنْ طِبْتَ وطَابَ مَمْشَاکَ وَ تَبَوَّاْتَ مِنَ الْجَنَّۃِ مَنْزِلًا څوك چې د مريض تپوس اوكړي يا د الله پاك رضا د پاره د خپل (ديني) ورور ليدلو له ځي نو يو اعلان كوونكے اعلان كوي، وائي: ته پاك شوے، ستا تلل پاك دي او د دې تللو په بركت تا په جنَّت كښې خپل كور اوموندلو.^{^[1]}

د دې حديثِ پاك لاندې علمائے كرام فرمائي: مطلب دا دے چې اے خوش بخته! اے د بيمار د تپوس د پاره تلونكيه! دا ستا تلل دې ستا د خوشحاله ژوند سبب جوړ شي، د دې په بركت سره دې تا ته د قناعت دولت نصيب شي، د الله راضي كيدو سعادت دې در نصيب شي، ستا په رزق كښې دې بركت وي او د دې تللو په بركت سره دې تا ته د ښه اخلاقو، علم او عمل توفيق در نصيب شي.^{^[2]}

سُبْـحٰـنَ الـلّٰـه! څنګه شان دے...!! د بيمار تپوس اوكړئ * د الله پاك رِضا به ميلاؤ شي * په جنَّت كښې به كور در نصىب شي * د فرښتو دُعاګانے به در نصيب شي * د الله پاك د رحمت نه به ډىره برخه اومومئ

[1]...ترمذی،کتاب البر و الصلۃ،باب ما جاء فی زیارۃ الاخوان ،صفحہ:486،حدیث:2008۔

[2]...مرقاۃ المفاتیح،کتاب الآداب،باب الحب فی اللّٰہ و من اللّٰہ ،ج:9 ،صفحہ:221،تحت الحدیث:5015۔

Important

Mobile Apps

Contact Us