د مريض تپوس اوكړئ

هغوئي صَلَّى اللهُ عَلَيْهِ وَاٰلِهٖ وَسَلَّم ته به معلومه شوه چې فلانے بيمار دے نو كه هغه به د مدينه منوره په آخري اړخ كښې ولے نه اوسيدلو، خوږ آقا صَلَّى اللهُ عَلَيْهِ وَاٰلِهٖ وَسَلَّم به د هغه د تپوس د پاره تشريف وړلو.

حضرت عَلَّامه قاري رَحْمَةُ اللهِ عَلَيْه فرمائي: كوم صحابۀ كرام عَلَيْهِمُ الرِّضْوان به چې حاضر نه شو نو سركارِ مدينه صَلَّى اللهُ عَلَيْهِ وَاٰلِهٖ وَسَلَّم به د هغوئي په باره كښې پوښتنه كوله، كه څوك به بيمار وو نو د هغه تپوس به ئې كولو يا به څوك مُسافِر وو نو د هغه د پاره به ئې دُعا كوله.^{^[1]}

ہر دَم ہے تمہیں اپنے غلاموں پہ عنایت دِن رات کا یہ کار ہے سرکار تمہارا^{^[2]}

د مخلوق برابر نيكئ

خوږو او محترمو اسلامي ورونړو! د بيمار تپوس كول چې څنګه د الله پاك آخري نبـي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم خوږ خوږ سُنَّت دے، داسې د وړومبنو انبيائے كرام عَلَيْهِمُ السَّلام هم سُنَّت دے. اَلْـحَـمْـدُ لِلّٰـہ! د الله پاك هر نبـي عَلَيْهِ السَّلام همدرد او داد رسي كوونكے وو. په رواياتو كښې دي: يو ځل د الله پاك خپل نبـي حضرت موسٰى كليمُ الله عَلَيْهِ السَّلام طرف ته وحي اوفرمائيله: اے موسٰى! آيا ته غواړې چې د قيامت په ورځ ستا نيكئ د ټول مخلوق برابر وي؟

[1]...جمع الوسائل فی شرح الشمائل،باب ما جاء فی تواضع رسول اللہ ،جلد:2 ،صفحہ:142۔

[2]...قبالۂ بخشش ،صفحہ:47۔

Important

Mobile Apps

Contact Us