Book Name:Mareez Ki Ayadat Kijiye
خوږ آقا، مكي مدني مصطفٰى صَلَّى اللهُ عَلَيْهِ وَاٰلِهٖ وَسَلَّم دويم حق بيانولو سره اوفرمائيل: وَعِيَادَةُ الْمَريض د مريض تپوس كول. دا هم ډير د فضيلت كار دے، زمونږه يو مسلمان ورور كه بيمار شي، چرته زخمي شي، څه حادثه ورته پيښه شي يا هسي څه طبيعت ئې خراب شي [او بيمار شي] نو مونږ له پكار دي چې مونږه د خپل مسلمان ورور تپوس اوكړو، د هغه خوا ته لاړ شو، ملاقات ورسره اوكړو، د هغه حال احوال پوښتنه اوكړو، هغه ته تسلي وركړو، كه هغه ته د څه څيز ضرورت وي او مونږه د مدد كولو طاقت لرو نو د هغه مدد هم اوكړو، بهرحال! هغه بےوسه د غم په كيفيت كښې دے نو نورو مسلمانانو له پكار دي چې د هغه غم تقسيم كړې، د دې په بركت به په خپل مينځ كښې مو محبت زيات شي، په خپل مينځ كښې به مو په اِتِّفاق او اِتِّحاد كښې زيات والے كيږي او نتيجةً زمونږه مُعاشره به د امن او سكون، مينې او محبت انګڼ جوړ شي.
خوږو او محترمو اسلامي ورونړو! د مريض عيادت [يعني تپوس] كول زمونږ د خوږ آقا، مكي مدني مصطفٰى صَلَّى اللهُ عَلَيْهِ وَاٰلِهٖ وَسَلَّم خوږ خوږ سُنَّت دے.[1] زمونږ د خوږ حبيب صَلَّى اللهُ عَلَيْهِ وَاٰلِهٖ وَسَلَّم دا ډير ښكلے عادت مبارك وو چې