شعبہ رابطہ برائے تاجران کا مختصر تعارف

اَلْحَمْدُ للّٰہ!نمازِ باجماعت کی اَہَمیَّت بتانے ،سُنَّتوں کی تَربِیَت اورنیکی کی دعوت پھیلانے کے لئے دعوتِ اسلامی مختلف شُعْبہ جات میں دینی کام کررہی ہے،اِنہی میں سے ایک شعبہ رابطہ  برائےتاجران بھی ہے،تِجارت ایک ایسا شُعْبہ ہے جو ہر مُلک میں رِیڑھ کی ہڈی کی حَیثیَّت رکھتا ہے، بلکہ کئی ملکوں کی مَعِیْشت کا اِنْحِصار و مَدار ہی تِجارت پر ہے، مگر بدقسمتی سے علمِ دِین سے دُوری کی وجہ سے آج مسلمانوں کی ایک تعدادتجارت کے اسلامی سنہری اُصُولوں پرعمل کرنے سے بہت دُور ہے۔چُنانچہ عاشقانِ رسول کی دینی  تحریک دعوتِ اسلامی کے تحت یہ شعبہ قائم کیا گیا ہے  * جس کا کام شُعبہ تِجارت سے مُنْسلک لوگوں کو تجارت کے مُتَعَلِّق اسلامی تعلیمات سے آگاہ کرنا ہے، اس شعبے میں پائی  جانے والی خرابیوں سے بچ کرپاکیزہ زندگی  گزارنے کی سوچ دی جاتی ہے  *  نیکی کی دعوت کی دُھومیں مَچانے کے پیغام کو عام کرنا اور انہیں دعوتِ اسلامی کےدینی  ماحول سے وابستہ کرتے ہوئے، مدَنی مقصد کے حُصُول اور بازاروں میں دینی ماحول بنانے کے لئے مسجدیا کسی بھی مُناسِب مَقام پر درس وغیرہ دینے کااِہْتمام کیا جاتا ہے *  درس کے علاوہ وقتاً فوقتاً مُختلف اَوْقات میں تِجارت کورس کروانے کا بھی اِہْتمام کیا جاتا ہے  * مدنی چینل پر ایک سلسلہ اَحْکامِ تِجارت بھی ہوتا ہے جس میں تجارت کے احکام بتائے جاتے ہیں * بڑی بڑی مارکیٹوں،شاپنگ مالز وغیرہ میں مدرسۃ المدینہ بالغان کا اِہتمام کیا جاتاہے جہاں بالخصوص بڑی عمر کے تاجروں، دکانداروں، کاروباری حضرات کوفیضانِ قرآن سے روشن و منورکرنے کے لئے  دُرست مخارج کے ساتھ قرآنِ کریم پڑھنا سکھایاجاتاہے  * اہلِ محبت