هغه زمونږ نه نه دے

اے عاشِقانِ رسول! دا صرف يوه واقعه نه ده، د صحابه كرام عَلَيْهِمُ الرِّضْوان په ژوند كښې داسې ډير واقعات موجود دي چې د هغې نه پته لګي چې صحابه كرام عَلَيْهِمُ الرِّضْوان به د خوږ آقا، مكي مدني مصطفٰى صَلَّى اللهُ عَلَيْهِ وَاٰلِهٖ وَسَلَّم د ناراضګئ نه ويريدل او د خوږ آقا صَلَّى اللهُ عَلَيْهِ وَاٰلِهٖ وَسَلَّم د راضي كولو په خاطر به ئې خپل مال، ځان او بدن هرڅه قربانولو نه به هيڅ كله هم نه شا ته كيدل. په دې كښې زمونږ د پاره هم سبق دے، هره هٰغه خبره، هر هٰغه كار، هر هٰغه نظريه، هر هٰغه انداز، هر هٰغه عادت كوم چې د رسُولُ الله، احمدِ مجتبٰـى صَلَّى اللهُ عَلَيْهِ وَاٰلِهٖ وَسَلَّم د ناراضګئ سبب ګرځي، د يو مسلمان دا شان دے چې هره هٰغه خبره، هر هٰغه كار او عادت فوراً د مخكښې نه پريږ دي او د خپل خوږ آقا و مولا، مكي مدني مصطفٰى صَلَّى اللهُ عَلَيْهِ وَاٰلِهٖ وَسَلَّم د راضي كولو فكر اوكړي ځكه چې

جنابِ مصطفےٰ ہوں جس سے نا خُوش

نہیں ممکن کہ ہو اس سے خُدا خُوش

الله او رسول راضي كړئ!

خوږو او محترمو اسلامي ورونړو! يقيناً كامياب هم هغه دے څوك چې د الله پاك او د هغه خوږ محبوب صَلَّى اللهُ عَلَيْهِ وَاٰلِهٖ وَسَلَّمٍ راضي كولو كښې كامياب شي او په اصل كښې ناكامه هم هغه دے څوك چې د الله او رسول صَلَّى اللهُ عَلَيْهِ وَاٰلِهٖ وَسَلَّم راضي كولو كښې ناكامه شي. الله پاك په قرآنِ كريم كښې ارشاد فرمائي:

وَ اللّٰہُ وَ رَسُوْلُہٗۤ اَحَقُّ اَنْ یُّرْضُوْہُ اِنْ کَانُوْا مُؤْمِنِیْنَ (۶۲)

(پارہ:10، التوبۃ:62) [مفهوم] ترجمۂ کَنْز العِرْفان: حالانكه الله او رسول د دې خبرې زيات حقدار دي چې خلق ئې راضي كړي، كه ايمان والا ئې.

Important

Mobile Apps

Contact Us