[په ركوع كښې حصار شوے لا نه وي چې] فوراً سر را اوچت كړي، لا سيدها نيغ شوے نه وي چې د اَلـلّٰـهُ اَكْـبَـرْ وئيلو سره سجدے ته لاړ شي، په سجده كښې له پوره پروت نه وي چې اَلـلّٰـهُ اَكْـبَـرْ  اووائي او پاڅي، سيدها لا ناست نه وي چې دويمے سجدے لاړ شي. ياد ساتئ! په لمَانځه كښې داسې تادي كول غلط دي، مونږه پيدا شوي د عبادت د پاره يو، دُنيا ته د راتللو مقصد عبادت دے، بيا عجيبه خبره ده چې نور كارونه كوم چې زمونږ د ژوند مقصد نه دي، په هغې كښې خو ګهنټې ګهنټې تيروو، خو چې كله د اصل مقصد كار شروع كړو نو داسي تادي كوو چې په پوره طريقے سره لمُونځ نه ادا كيږي. داسې خلقو له د خپل لمُونځ فكر كول پكار دي.

د لمُونځ غل

      د الله پاك آخري نبـي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم فرمان مبارك دے: په خلقو كښې د ټولو نه بد غل هغه دے كوم چې د لمَانځه نه غلا كوي. صحابه كرامو عَلَيْهِمُ الرِّضْوان عرض اوكړو: يَـا رَسُولَ الـلّٰـه صَلَّى اللهُ عَلَيْهِ وَاٰلِهٖ وَسَلَّم! يو كس په لمَانځه كښې څنګه غلا كولے شي؟ نو خوږ آقا صَلَّى اللهُ عَلَيْهِ وَاٰلِهٖ وَسَلَّم ارشاد اوفرمائيلو: هغه د دې [لمُونځ] ركوع او سجدے پوره نه ادا كوي. يا ئې ارشاد اوفرمائيلو: هغه په ركوع او سجدو كښې خپله ملا نه سيدها كوي.^[1]

      حكيمُ الاُمَّت حضرت مفتی احمد یار خان نعيمي رَحْمَةُ اللهِ عَلَيْه د دې حديثِ پاك لاندې فرمائي: معلومه شوه چې د مال د غل نه د لمَانځه غل بد تر دے ځكه چې د مال غل