Book Name:Wo Hum Mein Se Nahi
الله پاك دې مونږ ټولو له د ګاونډيانو، خپلوانو، مور و پلار، خويندو ورونړو وغيره حقونو ادا كولو، د هغوئي خيال ساتلو او هغوئي سره د حسنِ سلوك كولو توفيق را عطا كړي.
اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم
(7) په لمَانځه كښې د كارغه په شان
ټونګې وهلو والا زمونږ نه نه دے
د آخري نبـي، رسولِ هاشمي صَلَّى اللهُ عَلَيْهِ
وَاٰلِهٖ وَسَلَّم فرمان مبارك دے:
لَیْسَ مِنَّا مَنْ یَنْقُرُ نَقْرَ الْغُرَابِ يعني څوك چې د كارغه په شان ټونګې وهي، هغه زمونږ نه نه دے.[1]
د دې حديثِ پاك مطلب دا دے چې په لمَانځه كښې د سجده كولو په وخت كوم بنده داسې تادي كوي چې سر په سجده كښې كيږدي او فوراً ئې را اوچت كړي، هغه داسې دے لكه كارغه چې ټونګې وهي، د داسې انسان په باره كښې ئې اوفرمائيل: لَیْسَ مِنَّا يعني هغه زمونږ نه نه دے.
اللّٰہ! اللّٰہ! نن سبا په ديني معاملاتو كښې خلق ډيره زياتي تادي كوي، په سوشل ميډيا باندې، موبائل باندې، فضولياتو كښې، دوستانو سره په ګپ شپ كښې چې څومره ګهنټې تيري شي، څه پرواه نشته خو چې كله د لمَانځه د پاره اودريږي نو ډير كارونه ورته ور ياد شي، بيا كوشش وي چې زر زر لمُونځ مكمل كړي او نور كارونه اوكړي. ځينو ته خو په كارونو كښې تادي وي او د ځينو خلقو هسې عادت وي چې په لمَانځه كښې رُكوع او سجدے پوره نه كوي، اَلـلّٰـهُ اَكْـبَـرْ وئيلو سره ركوع ته لاړ شي،