كړي، هغه زمونږ نه نه دے. دلته د ګاونډيانو د حقونو د پيژندګلو اهميت هم پته لګي، ښكاره خبره ده چې مونږ ته د ګاونډيانو حقونه معلوم وي نو هله به د هغوئي حقونه پوره كړو. راځئ! د ګاونډيانو يو څو حقونه اورو: آخري نبـي رسولِ هاشمي صَلَّى اللهُ عَلَيْهِ وَاٰلِهٖ وَسَلَّم فرمائي:  تاسو پيژنئ د ګاونډي حق څه دے؟ بيا ئې اوفرمائيل: * كه هغه ستاسو نه مدد اوغواړي نو د هغه مدد اوكړئ * كه ستاسو نه قرض اوغواړي نو قرض ورله وركړئ * كه هغه محتاجه وي نو د هغه حاجت پوره كړئ
 * كه ناجوړه شي نو تپوس ئې اوكړئ * كه مړ شي نو د هغه په جنازه كښې شركت اوكړئ * كه هغه ته څه خير اورسي نو مباركي ورله وركړئ * كه هغه ته څه مصيبت اورسي نو غمرازي ئې اوكړئ * د هغه د اجازت نه بغير د هغه د كور نه خپل كور اوچت مه جوړوئ چې هغه ته هوا نه ځي * ګاونډي ته تكليف مه رسوئ * كه تاسو څه ميوه راوړئ نو ګاونډي له ترې هم څه اوليږئ * كه داسې نه شئ كولے نو پټه ئې راوړئ او خپلو ماشومانو بچو له هم ميوه د كور نه بهر ته اوباسلو له مه وركوئ چې د ګاونډيانو بچي به د هغه ميوې په وجه پريشانه شي * او د خپل نغري د لوښي د خوشبوئې نه ګاونډي ته تكليف مه رسوئ خو دا چې څه لږ انګولے هغوئي له هم اوليږئ. د دومره فرمائيلو نه پس خوږ آقا، مكي مدني مصطفٰى صَلَّى اللهُ عَلَيْهِ وَاٰلِهٖ وَسَلَّم اوفرمائيل: اَتَدْرُوْنَ مَا حَقُّ الْجَارِوَالَّذِیْ نَفْسِیْ بِیَدِہٖ مَا یَبْلُغُ حَقَّ الْجَارِ اِلَّا قَلِیْلاً مِّمَّن رَّحِمَ اللہُ  يعني تاسو پيژنئ د ګاونډي حق څه دے؟  په هغه ذات مې دې قَسَم وي د چا په قدرت كښې چې زما ځان دے! د ګاونډي حق هغه كس ادا كولے شې په چا چې الله پاك رحم اوفرمائي.^[1]