دغه شان بعضې ناپوهه زنانه هم داسې شوق لري، * د نارينؤ په شان واړه واړه ويښته ساتل * دنارينؤ جامے اغوستل * د نارينؤ په شان پيزار پښپو كول وغيره په هغوئي كښې موندلے كيږي. ياد ساتئ!  نارينه ته د زنانؤ او زنانه د نارينؤ وضع [قطع] اختيارول ناجائز او ګناه ده. په فتاوٰى رضويه شريف كښې دي: نارينه ته د زنانؤ د وضع يوه خبره اختيارول حرام دي. رسُولُ الله صَلَّى اللهُ عَلَيْهِ وَاٰلِهٖ وَسَلَّم په هغه باندې لعنت فرمائيلے دے.^[1]

3 كسان به د جنَّت نه (په شروع كښې) محرومه پاتي كيږي

      په حديثِ پاك كښې دي: 3 كسان به هيڅ كله جنَّت ته داخل نشي: (1) دَيُّوث (2) د نارينؤ په شان زنانه او (3) د شرابو عادي. صحابه كرامو عَلَيْهِمُ الرِّضْوان عرض اوكړو: د شرابو عادت لرونكے خو مونږه اوپيژندلو، دَيُّوث څوك دے؟ اوئې فرمائيل: هغه انسان كوم چې د دې خبرې پرواه نه كوي چې د ده كور والؤ خوا ته څوك څوك راځي؟ مونږه عرض اوكړو: د نارينؤ په شان زنانه څوك دي؟ اوئې فرمائيل: كومې [زنانه] چې د سړو مشابَهَت اختياروي.^[2] [يعني هغه زنانه كومې چې خپل ځان د سړو په شان جوړوي]

صَـــلُّـــوْا  عَـــلَـی   الْــحَـــبِــيْــب!                    صَـلَّـی اللهُ   عَلـٰی   مُـحَـمَّد

(5) چا چې د سلام جواب ورنكړو هغه زمونږ نه نه دے

     آخري نبـي، رسول هاشمي صَلَّى اللهُ عَلَيْهِ وَاٰلِهٖ وَسَلَّم ارشاد فرمائي: مَنْ اَجَابَ السَّلامَ فَہُوَ لَہٗ وَمَنْ لَّمْ یُجِبِ السَّلامَ فَلَیْسَ مِنَّا يعني چا چې د سلام جواب وركړو، ثواب به اومومي او چا چې د سلام جواب ورنكړو هغه زمونږ نه نه دے.^[3]