اَمیرِ اهلسنّت دَامَـتْ بَـرَكَـاتُـهُـمُ الْـعَـالِـيَـهْ د نصيحت مدني ګل پيش كوي او فرمائي:

مال و دولت کے عاشِقوں کی ہر      آرزو    نا  تَمام     ہوتی    ہے^[1]

       وضاحت: يعني د دُنيا حرص لرونكے او لالچي انسان په خپلو نفساني خواهشاتو پسې شا ته شا ته روان اوسي تردې چې د مرګه پورې د ده اُميدونه پوره نشي او هغه په خپل زړه كښې د خواهشاتو باغ جوړ كړے قبر ته لاړ شي.

      الله پاك دې مونږه د حرص او لالچ نه محفوظه اوساتي او په دې لالچ كښې د راتللو سره مسلمانانو ته د دوكه وركولو نه هم هر وخت بچ اوساتي.

اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم

(4) د غير جنس سره مشابَهَت كوونكے زمونږ نه نه دے

     خوږ آقا، مكي مدني مصطفٰى صَلَّى اللهُ عَلَيْهِ وَاٰلِهٖ وَسَلَّم فرمائي: لَیْس مِنَّا مَنْ تَشَبَّہ بِالرِّجَال  مِنَ النِّسَاءِ وَ لَا مَنْ تَشَبَّہَ بِالنِّسَاءِ مِنَ الرِّجَالِ  يعني كومه زنانه چې د نارينؤ او كوم نارينه چې د زنانؤ مشابَهَت اختيار كړي هغه زمونږ نه نه دے.^[2] [يعني

زنانه خپل ځان د نارينؤ په شان او نارينه خپل ځان د زنانؤ په شان جوړ كړي]

     په موجوده دور كښې هم دا يو وَبال دے چې سړو ته د زنانؤ په شان او زنانؤ ته د سړو په شان حليه جوړولو خامخا شيطاني شوق را اوچت شوے دے. * په غوږونو كښې والئ اچول * په لاسونو كښې كړئ اچول * د اوګو نه لاندې اوګږده اوګږده ويښته ساتل* [د سر په ويښتو كښې] چونټئ تړل* زنانه ګوتمې په ګوته كول * په لاسونو او ښپو باندې نكريزې لګول، دا ټول د زنانؤ كارونه دي  خو څوك چې د ضرورت نه زيات فيشن پرست وي يا چا ته چې د ديني معلوماتو كمے وي هغه نارينه هم داسې كارونه كوي.