زمونږ د مُعاشرے دا هم يو كمزورے اړخ دے، زمونږ په معاشره كښې د سُنتونو نه ډير زيات بےپرواهي كيږي، په سُنتونو باندې عمل كول خو وروسته خبره ده، د سُنتونو پيژندګلو را ته هم كله شته دے؟ خوږ آقا صَلَّى اللهُ عَلَيْهِ وَاٰلِهٖ وَسَلَّم به تلل څنګه كول؟ څنګه به كښيناستلو؟ د طعام تناول كولو مبارك انداز ئې څنګه وو؟ د آرام كولو انداز ئې څنګه وو؟ د خوږ آقا صَلَّى اللهُ عَلَيْهِ وَاٰلِهٖ وَسَلَّم خوږې خوږې اداګانے څه دي؟ د دې را ته هډو معلومات هم نشته. آو! نوے فيشن كوم چليږي؟ دا را ته معلوم دي؟ نن سبا په ماركيټ كښې د موبائل نوے ماډل كوم يو دے؟  د موټر كار نوے ماډل كوم يو دے؟  په پيزار، جامو وغيره كښې كوم رنګ چليږي؟ دا ټول معلومات را ته شته دے خو افسوس! د خوږ آقا، مكي مدني مصطفٰى صَلَّى اللهُ عَلَيْهِ وَاٰلِهٖ وَسَلَّم د سُنتونو معلومات را ته ډير كم دي او د كومو سُنتونو معلومات چې راته دي، په هغې باندې هم عمل نه كيږي، د مثال په طور ګيره مباركه واخلئ! كوم يو مسلمان دے چې پته ورته نه وي چې ګيره ساتل د خوږ آقا صَلَّى اللهُ عَلَيْهِ وَاٰلِهٖ وَسَلَّم سُنَّت دي خو څوك د نورو نه شرميږي، څوك د نوكرئ فكر ويروي، څوك د بل څه په وجه او بعضې د بل څه په وجه د سُنَّت خپلولو نه محرومه پاتي كيږي. كاش! مونږ ته د سُنَّتونو محبت نصيب شي.

خدا  و مصطَفٰے ناراض ہوتے ہیں سنو ان سے           جو داڑھی کو مُنڈاتے ہیں یامُٹّھی سے گھٹاتے ہیں

وسائل بخشش، صفحہ:291

په سُنَّت باندې د عمل كولو په بركت سره ئې بخښنه اوشوه

      اِمام ذَهبـي رَحْمَةُ اللهِ عَلَيْه ليكي: عَلَّامه هِبَةُ الله طبري رَحْمَةُ اللهِ عَلَيْه وفات شو نو حضرت علي بِن حُسين رَحْمَةُ اللهِ عَلَيْه هغوئي په خوب كښې اوليدلو. پوښتنه ئې ترې اوكړه: الله پاك تاسو