الله پاک دې مونږ ته د رښتيني، پوخ لمُونځ ګزاره جوړيدو توفيق را نصيب کړي.

اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم 

(4-5-6): د وَيل حقدار جوړوونکي 3 اَعمَال

خوږو او محترمو اسلامي وروڼو! نور کوم کوم اعمال دي، کوم چې د وَيل حقدار جوړوونکي دي، واورئ! الله پاک فرمائي:

وَیۡلٌ   لِّکُلِّ ہُمَزَۃٍ   لُّمَزَۃِۣ ۙ      (۱) الَّذِیۡ جَمَعَ  مَالًا  وَّ عَدَّدَہٗ  ۙ       (۲)  

(پارہ:30 ، الہمزہ:1- 2)                                              مفهوم ترجَمۀ کنزُ العرفان: د هغه د پاره خرابي ده کوم چې د خلقو په وړاندې عيب را اوباسي، پشي شا بدي بيانوي کوم چې مال را جمع كړو او هغه ئې د شميرلو شميرلو سره کيښودو.

      دا 3 بد اعمال دي، کوم چې د وَيل نومې دوزخي دَرې حقدار جوړونکي دي: (1) مخامخ عيب راويستل (يعنې پيغور ورکول) (2) پشي شاه بدي (يعنې غيبت) کول (3) او مال جمع کول.

 افسوس دا درې واړه بدئ نن سبا په مونږ کښې عام دي.

پيغور ورکول منع دي

په قرآنِ کريم کښې ايمان والؤ ته اوفرمائيلے شول:

وَ لَا تَلۡمِزُوۡۤا اَنۡفُسَکُمۡ وَ لَا تَنَابَزُوۡا بِالۡاَلۡقَابِ ؕ

(پارہ:26 ، الحجرات:11)                   مفهوم ترجَمۀ کنزُ العرفان: او خپل مينځ کښې چا له پيغور مه ورکوئ او يو بَل په بدو نومونو مه رابلئ.